鍾慧冰爆與鄭文雅同被#METOO 近半世紀難釋懷：有啲男人好過份

1979年港姐季軍鍾慧冰近日主持ViuTV節目《MM730 - Auntie 妳好》，人氣仲勁過同樣係藝人嘅囡囡。冰姐早前仲開設個人YouTube，拍攝節目《冰姐的花樣人生》，暢談入行後遇過無數特別嘅人和事，希望藉節目道出40多年的經歷。

同場加映： 尹光愛玩乜都試誓要唱到90歲 「廟街歌王」籲政府搞旺夜市自救

{{hket:ul-video id="9217"}}{{/hket:ul-video}}

冰姐首集就講到同佢係同屆港姐嘅冠軍鄭文雅，冰姐表示數月前見到鄭文雅一個專訪後，先發現原來大家當年都遇上一啲不愉快經歷。冰姐提到當年選美後要出席飯局，鄭文雅去搵當日提名人、著名攝影師宗維賡傾訴，而呢位前輩知道鄭文雅性格唔識處理呢種事，於是建議佢離開TVB。

{{hket:inline-image name="1.JPG"}}{{/hket:inline-image}}

鄭文雅至今都無公開交代那次飯局中發生何事，原因係當時嘅人仍在生，表示留待日後出自傳先公開飯局遭遇。冰姐聽後非常感觸，大爆當年自己同鄭文雅有相近經歷，於是決心離開TVB。冰姐謂︰「當時同TVB完約後，去嘉禾電影公司轉做幕後，啲人問我點解走，我當時都無講出真實原因，只講TVB唔肯加人工，嘉禾願加多幾千蚊畀我，所以咪走囉！」

冰姐越講越激動：「但其實我同鄭文雅都經歷差不多事情，當然佢唔講，我都唔想講，但唔等於我想放過對我哋有啲性騷擾嗰個人。如果當年鄭文雅肯同我講，我可以同佢一齊面對，即係有人同你一齊擔當下，你個心會舒服啲。因為呢啲嘢，過咗40幾年，但仍然歷歷在目，係完全無忘記過。」

事隔40多年，冰姐表示佢重提此事只有一個原因：「有時覺得女生被欺負，感覺係好強烈，所以我唔希望呢啲事喺娛樂圈再發生，因為有啲男人實在好過分。我哋女人都要團結起嚟，希望而家新一代，唔好好似我哋以前呢一代咁怕事，乜都唔敢講。」佢之後都因為太激動決定轉話題：「唔講落去，因為有啲激動。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

 ↓U Lifestyle App睇盡《晴報》新聞資訊及自家節目↓
↓↓同步更新、更快更順↓↓
【免費下載】