汪明荃與鄭少秋冇聯絡拒致電慰問 曾關心欣宜近況：畀啲時間佢

汪明荃（阿姐）今日為代言多年嘅床上用品品牌拍攝廣告，床上用品集團主席鄔友正及主席夫人前港姐冠軍翁嘉穗亦親自到場探班。阿姐大談近況，又提到鄭少秋大女兒近日輕生一事。

同場加映：

黑妹韋綺姍薪火相傳率學生演出 吉吉啟豪深明癌症之苦義唱助人

{{hket:ul-video id="9259"}}{{/hket:ul-video}}

阿姐被問到有否慰問秋官，佢表示都係從報道得知事件，稱：「知佢有個大女，等佢靜吓，兩公婆商量吓，仔女嘅嘢都麻煩嘅，又唔係一齊住，睇唔到咁多，佢都好大個已經55歲。」阿姐表示不會致電慰問，因為秋官之前都唔接電話，「之前我哋想搵佢嚟『煇黃演唱會』，佢都完全唔聽電話。」續指同秋官私底冇聯絡，連飲茶都冇，拍完戲大家各自各，登台時候先會見到。被問到知唔知另一世姪女鄭欣宜（Joyce）近日情況，阿姐就表示：「我同（問）佢熟嗰啲朋友都話佢冇事，畀啲時間佢，睇相以為佢咁瘦係減肥。」

{{hket:inline-image name="4.jpeg"}}{{/hket:inline-image}}

另外，阿姐為床上用品品牌連續代言35年，係佢代言得最長嘅一個品牌，阿姐表示代言費每次都有增長，指同老公羅家英都喜愛選擇硬床褥，「對脊骨好啲，因為平時用頸多。」又大爆自己同家英哥都有鼻鼾。談到家英哥早前生日，阿姐稱冇預備禮物，只係送上蛋糕、長壽麵及雞蛋，佢同老公生日日子相近，所以都「互免」送禮。

阿姐續說，上星期跟考古學者同一班大學生乘座高鐵到內地考察，大讚車程短，適逢中秋日回港，站內人頭湧湧搵唔到路，又指女廁格數少又污糟，有好大改善空間。阿姐較少北上消費，有聽聞近日多港人北上外遊，「好多人話平、靚同服務好，我哋要學習囉！佢哋本地遊有好多嘢玩，睇吓佢哋有乜嘢需要我哋再去改進。」

圖片來源：《晴報》圖片