12月演唱會丨張學友為唱歌護肺冇中過COVID 大馬場次耳水不平衡：希望唔再有

「歌神」張學友今日（17日）舉辦盛大記者會，宣布12月將會假紅館展開十場演唱會《張學友60+巡迴演唱會 香港站》。學友以紅黑色西裝示人，在打造成巨型郵輪的舞台上，用「爆樽」形式正式宣布演唱會在香港啟航。今次演唱會先後在澳門、馬來西亞、武漢等地開騷，學友提到馬來西亞見暈跌倒的情況，他都笑笑口向大家報平安，更表示：「香港場唔會再發生！」

同場加映：中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

張學友大馬演唱會台上突然暈倒跌低 開騷前耳水不平衡頭暈仍繼續演出【下一頁】

{{hket:inline-image name="DSC06963.JPG"}}{{/hket:inline-image}}

{{hket:inline-image name="DSC06779.JPG"}}{{/hket:inline-image}}

{{hket:inline-image name="DSC06797.JPG"}}{{/hket:inline-image}}

{{hket:inline-image name="DSC06810.JPG"}}{{/hket:inline-image}}

學友邀請演唱會的幕後班底上台逐一分享，大家一致認為學友是多才多藝的藝術家，對今次演唱會都有相當高的要求同緊張，學友直認不諱，他認為年輕時會就住就住，但如今想更加忠於自己。提到今次演唱會每演兩場就休息一日，他說：「而家做緊一星期三場，但如果香港場咁樣連續做三場，體力會變差，所以每兩場休一日，（完全避開平安夜唔倒數？）喺屋企咪平安囉！冇話諗住（倒數），怕之後兩日又怕好亂。」至於跨年與否，學友透露都有預留日期，但絕對要視乎市場反應而再作決定。而紅館對舞台限制大，學友表示視乎舞台總監安排，他的要求是不可以減少裝置，暫時收到消息是沒有問題可以做到，因他們演唱會沒有威也裝置。

提到在馬來西亞演出期間耳水不平衡發作，在舞台一時見暈跌倒，學友在舞台上重提此事時都留有餘悸，「真係暈暈哋，而家諗番都暈暈哋，都有心理影響，而家轉圈都有少少驚驚哋，相信可以克服！我希望只係一時，好少發生，唱過數以百計演唱會，嗰兩日係唯一兩日，耳水不平衡自細都有，舞台上發生係第一次，算係一個挑戰，好彩係大步檻過。」他受訪時指小時候一年病發一次，30歲過後就每幾年一次，算稀有，「希望嚟緊一兩年唔會有發生，一兩年個巡迴都完啦！」

張學友爆同張國榮有舞台恐懼症 多年來拒為歌唱比賽做導師評審【下一頁】

{{hket:inline-image name="DSC06937.JPG"}}{{/hket:inline-image}}

{{hket:inline-image name="DSC07020.JPG"}}{{/hket:inline-image}}

{{hket:inline-image name="DSC07017.JPG"}}{{/hket:inline-image}}

{{hket:inline-image name="DSC07043.JPG"}}{{/hket:inline-image}}

今次演唱會記者會要求傳媒訪問期間戴上口罩，原來學友為求演出順利，一向非常小心注重健康，「你都見到啦，多謝大家配合戴口罩，始終如政府呼籲，COVID同其他病都係風土病，TouchWood我係非常之小心嘅，會盡力去保護自己。我屋企都係小心嘅，都咁多年啦，唔小心都『陽過咗』啦，我係冇（確診）嘅，幾個原因啦，因為我唱歌呀嘛，始終流感或者COVID會攻擊個肺，對唱歌之後有咩影響，我唔敢博，加上始終屋企有老人家，媽媽80幾歲，至今我都冇除口罩去見我阿媽，（到時睇騷？）佢戴口罩咪嚟睇囉！」

日本殿堂級歌手谷村新司早前不幸病逝，昨日公布死訊後，不少圈中人都大感可惜，學友過往都有翻唱谷村新司的作品，他表示：「佢都70+，我同佢一樣懷抱良好願望，想盡情享受個舞台；當然喺我角度我並唔覺得70+好大年紀，我都希望自己70+都仲得，但我覺得係一個警鐘，睇新聞知佢仲準備緊演唱會，真係好可惜，惟有我哋做好同享受每一次演出。」

FWD富衛保險10周年呈獻《張學友60+巡迴演唱會 香港站》
日期：2023年12月13、14、16、17、19、20、22、23、25、26日
時間：8:15pm
地點：紅磡香港體育館
票價：$1280/ $980/ $580

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組