我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作

蘇韻姿（Andrea）今年年初「被停工」離開工作六年的處境劇舒適區，一度迷惘失落，甚至想過是否要放棄追夢。上天關了她「回家」的門，卻為她打開了窺探夢想一扇窗，從長壽處境劇《愛回家之開心速遞》到長壽本土音樂劇《我們的青春日誌》，從「熊心如」到「港女Nancy」，Andrea慶幸沒有輕言放棄，誓言好好珍惜今次機會努力發揮，擁抱經歷，學習成長。

{{hket:ul-video id="9406"}}{{/hket:ul-video}}

Andrea今年年初突然被「離家」，告別相處六年的角色熊心如，參加過不少綜藝節目，但演戲上仍然找不到方向。在迷惘之際，Andrea欣賞舞台劇增值自己，卻意外地認識《我們的青春日誌》團隊，在再三努力下，成功面試獲選上飾演劇中的Nancy角色。「呢個音樂劇我睇過兩次，第一次睇完之後已經勁鍾意，我本身喺加拿大主修戲劇，一接觸呢部劇就相當鍾意，特別欣賞監製陳恩碩，佢用咗好多外國音樂劇的曲風，再加上好多本土時事同語題，我睇得好享受。」後來，Andrea得悉音樂劇重新找演員班底，於是膽粗粗嘗試，成功獲選演出港女Nancy一角，她笑言：「呢個角色同熊心如係完全唔同，Nancy會收兵同埋好識得表達愛，而且劇入面仲要唱歌同跳舞，真係好大挑戰！」

蘇韻姿細佬結婚榮升「大姑奶」 三姊弟神還原8年前超騎呢甫士【下一頁】

{{hket:inline-image name="DSC05322.jpg"}}{{/hket:inline-image}}

{{hket:inline-image name="DSC05235.jpg"}}{{/hket:inline-image}}

Andrea坦言這一年沉寂視為事業轉折期，接觸到不同的新事物，無論綜藝節目還是其他工作，讓她認識自己不同的一面。「《愛回家之開心速遞》被停拍，難免有少少迷惘，畢竟我一個人嚟香港發展演藝事業，有工作上突然變化，係咪上天有咩訊息畀我？我都會不斷自己質疑。」事業陷入低潮，慶幸媽媽特別由加拿大來港陪伴，「媽咪一定會擔心，但佢冇表現出嚟，反而仲不斷鼓勵我，佢話好多演員都幾個月冇劇開啦，呢個係一個過程去考驗我係咪堅持得到。佢唔止顧及我情緒，仲搵方法想我振作起身，我好感恩有呢個明白事理嘅媽媽！」

{{hket:inline-image name="8d442743-051f-40a7-8255-3ae85fe68795.jpg"}}{{/hket:inline-image}}

{{hket:inline-image name="323818812_220386537005292_5513831605664367113_n.jpg"}}{{/hket:inline-image}}

Andrea感恩自己沒有選擇放棄，否則都不會接到這次音樂劇的角色，亦不能夠初嘗當女主角的滋味。今次媽媽和家人身在加拿大，未能安排來港欣賞演出，但Andrea答應他們會珍惜機會，好好演好這個角色，答謝媽媽從小到大的栽培，「細個媽咪要我學跳舞、學樂器、學唱歌，到而家真係可以活學活用，希望呢次可以畀到佢覺得有我呢個女，令佢感到驕傲。」

早前因弟弟結婚而飛返家鄉加拿大，Andrea慨嘆父母都變老，弟弟擁有自己家庭，將來會有小朋友，「我繼續留喺香港工作，將來姪仔姪女會唔會唔識我呢？家人對我好重要，希望將來工作同家庭都可以兼顧，盡可能抽時間返加拿大探屋企人，因為同家人相處嘅時間，錯過咗就冇，唔想多年之後回望有任何遺憾。」

{{hket:inline-image name="cry2.jpg"}}{{/hket:inline-image}}

{{hket:inline-image name="cry1.jpg"}}{{/hket:inline-image}}

{{hket:inline-image name="DSC05338.jpg"}}{{/hket:inline-image}}

愛回家︳蘇韻姿被調離劇組認收入受影響 心如補習社執笠：好可惜呀【下一頁】

雖然「離家」令不少人失望擔心，Andrea感激支持者每一句的「肉緊」留言，但她學會的是在低潮中自救，「每件事發生都有原因，無論係正面定負面，發生喺你身上，你就要喺呢件事上面學到嘢！過去穩定工作耐咗，可能上天畀我嘗試一下唔安穩嘅感覺，感受完一定會有得著，起碼我思考同態度都有所成長。」她認為面對低潮的日子難免不開心，但人總不能夠永遠停留在悲傷的漩渦裡頭，總要找個出口繼續向前走，才能成就更好的自己。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

髮型：Hola @Oscar Shek
場地：Edge爆炸戲棚劇場
攝影：何家賢、王華婷
撰文：楊安莉