《平凡的我重生》｜Winka陳泳伽@COLLAR拍新歌MV勾起童年陰影 挑戰水中拍攝克服恐懼

女團COLLAR成員Winka陳泳伽，繼推出《一手造成》及《奇異小姐》後，日前推出本年度第三首單曲《平凡的我重生》，而為了新歌MV，Winka更克服對水的恐懼，到泳池進行水中拍攝，她說：「為咗呢個MV，除咗要練水之外，仲要上drama堂，了解更多自己內心世界，事前準備功夫好多，所以呢個MV畀到我好多畫面嘅回憶，而並非純一首歌咁簡單。」

同場加映：

4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

《平凡的我重生》意旨在破碎的自己裡重拾勇氣，克服挫折，Winka說：「人越大越識得多嘢，點解會冇咗小朋友嘅勇氣及重生力量？好似小朋友喺公園跌親，佢哋夠膽喺公園再玩捉迷藏再跑步，但大人受到挫折後，可能會好驚再做同一件事，甚至乎一沉不起，所以好想叫大家重拾小朋友呢份天真同勇氣。」她續指新歌傳遞的訊息，極具生命力，歌曲主題對她來說極有感受。

{{hket:inline-image name="WechatIMG52.jpg"}}{{/hket:inline-image}}

新歌MV，Winka接受挑戰在水中拍攝，表示：「鍾意玩水，但唔可以話自己熟水性，未試過游出海或喺深水地方游水，因為我細個試過差點浸親，所以對深水嘅地方有啲驚！」為配合落水拍攝，事前要練習游水，她說：「拍攝過程中，都花少少時間去適應，因為練習個泳池水深只有1.2米，但拍攝嘅泳池因為圍咗布，睇唔到有幾深水！而且潛落水嗰吓，水壓唔同，又唔可以戴泳鏡，拍緊嘅時候都有幾多恐懼出現，最後自己依然克服咗，順利完成，感覺好興奮！好難忘。」

{{hket:inline-image name="WechatIMG45.jpg"}}{{/hket:inline-image}}

《平凡的我重生》的MV拍攝時遇上颱風襲港，不僅令進度受阻，原定的外景亦要移師室內進行，Winka大叫可惜，「戶外拍攝會靚好多，不過唔緊要啦！拍攝團隊真係好犀利，轉得好快，因為天氣問題，佢哋好快就調配到，將室外拍攝轉到室內，拍出嚟嘅效果同畫面，都係大家想要嘅嘢。」此外她透露本年會再推出多一首單飛歌曲，至於曲風就有待分曉。

Winka@COLLAR陳泳伽將拍拖6年男友降Level變戰友 介意前度冇目標：唔想好似湊仔【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供