羅密歐與祝英台丨陳茵媺復出壓力大望仔女撐事業 拒與陳豪再合作：怕大家唔舒服

陳茵媺（Aimee）事隔九年復出幕前拍劇，在《羅密歐與祝英台》中挑戰槍戰、動作戲及女扮男裝，絕對是向高難度挑戰。由構思劇本開始已經下定決心要演顛覆自己的角色，為了不想大家失望，她全情投入拍攝，令老公陳豪都不禁感覺「唔見咗個老婆」。Aimee坦言戲癮大發，期待可以在家庭和事業上平衡，繼續拍更多好劇集給大家欣賞。

同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

《羅密歐與祝英台》播出以來，Aimee所飾演的祝英台要女扮男裝充當死去的哥哥祝英喬，硬橋硬馬應付不同的打鬥和槍戰，給予觀眾耳目一新的感覺。Aimee說：「播出之後都係靠朋友話我知啲評論係點，我冇特別去睇，因為我想等觀眾睇晒成個劇先，而且我怕睇完會有無形壓力。拍攝時我已經盡晒全力，今次係事業上最大挑戰，以前角色比較係可愛女仔型，今次係完全唔似自己，最大困難係好多嘢要兼顧，女扮男裝已經係兩個角色，而且劇入面佢面對唔同嘅人有唔同態度。」

{{hket:inline-image name="DSC06891.jpg"}}{{/hket:inline-image}}

{{hket:inline-image name="DSC06912.jpg"}}{{/hket:inline-image}}

{{hket:inline-image name="DSC06904.jpg"}}{{/hket:inline-image}}

羅密歐與祝英台丨陳茵媺「視後」Look搶晒鏡 與陳豪咀嘴竟令仔女大驚小怪【下一頁】

Aimee直言拍攝模式跟九年前已經大不同，她早於開鏡前一年就已經跟小朋友學跆拳道備戰，動作希望盡可能都親力親為，不過就面對兩大難題。首先是首天開工就已經壓力大到向監製爆喊，「拍攝模式同以前好唔同，加上我一時係祝英台，一時係祝英喬，要跳住拍而且冇Playback睇，一日拍十幾場，我感覺都未完全做得好，就已經要準備下一場。食宵夜嗰陣我真係爆喊，我覺得做得唔夠好，監製陳維冠就話我知呢個係Team Effort，叫我唔好咁大壓力。」Aimee感激老公陳豪都有安撫她，給她鼓勵，隨後很快就重拾拍攝的節奏，而且越拍越順利。

另一難題是竟然是面對陳豪，Aimee自爆跟陳豪合作反而有壓力，壓力來自不知道如何看待對方，「平時嘅我係一嘢就撲埋去，黐住晒好似糖黐豆咁，咁拍第一場嗰陣真係好緊張，唔知點形容，佢係我老公，同佢太熟絡，但望住佢又要收番起平日嘅眼神，不斷提醒自己佢係梁山伯。」她感激陳豪為她解釋劇本，但始終她演戲的風格就是全情投入角色之中，所以拍攝的差不多六個月時間，都是為陳豪兼顧拍劇之餘再照顧小朋友，她笑言：「佢好抽離但我唔得，我記得拍完之後，佢突然同我講：「我老婆終於返嚟，佢一直冇話我知，但佢覺得嗰段時間我變咗另一個人。」

{{hket:inline-image name="bcnd.jpg"}}{{/hket:inline-image}}

{{hket:inline-image name="kasdw.jpg"}}{{/hket:inline-image}}

{{hket:inline-image name="oiu.jpg"}}{{/hket:inline-image}}

Aimee直認睇到劇本都被宿世情緣所感動，亦由於「祝英台」牽涉的愛情、親情、友情等都充滿傳奇，所以拍攝時情緒都非常波動，當她重提劇中徐榮揭穿祝英台的真身的一幕，她都忍不住激動流淚，「講嘢要壓低把聲，唔可以有尾音，女扮男而且好多秘密要收埋，祝英台好掛住以前男朋友，又有好多秘密身分要隱藏，我睇睇吓劇本已經覺得好感動...個故事真係好感人，一段感情經歷好多波折。」

思家大戰丨陳茵媺自爆與陳豪閨房樂 每日錫錫唔止一次【下一頁】

{{hket:inline-image name="AIMEE.jpg"}}{{/hket:inline-image}}

{{hket:inline-image name="AIMEE2.jpg"}}{{/hket:inline-image}}

Aimee表示今次復出都掙扎良久，畢竟留在家中照顧小朋友九年時間，但當再次接觸戲劇，她的「戲癮」都全部浮現，「真係好滿足，唔係話演得好好，我盡晒力，有幾場情緒好激動嘅戲，我連隻手受咗傷都唔知。做媽咪之後好難抽離，但演員就係可以畀我去做另一個人。我希望一年有一半時間可以出嚟工作，阿女而家聽到我話出去，佢都唔太想，希望慢慢同佢哋傾。」但Aimee同陳豪都有共識將來兩公婆不會再合作，問到為何如此決絕？她笑言：「荷里活都唔係好多成功例子，可以兩公婆一齊熒幕情侶，好怕大家睇落會唔舒服。加上最真實原因，係屋企三個小朋友要照顧，唔可以同時間一齊出去工作。之前就係囡囡中咗COVID，工人姐姐又中埋就去咗隔離中心，阿Mo一個照顧三個，本身都還可以，但阿女發高燒，阿Mo要帶佢入醫院，唔通帶埋兩個仔去咩？最終都打電話畀我要我返屋企，咁我就同監製請假，真係冇辦法。」

Aimee透露已經準備好再接其他劇本，希望可以挑戰奸角，問到會否擔心有親熱戲惹陳豪呷醋？她說：「我平時都冇眼睇佢嗰啲，幸好大家係演員，明白呢個係工作範圍之內，一定要支持佢，日後如果我真係有需要咁做，我都唔希望另一半畀壓力我，有無形壓力就會演得唔好，所以我作為演員嘅老婆，我選擇唔睇，唔可以畀壓力佢！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

場地：都會海逸酒店 Harbour Plaza Metropolis
髮型：Kelvin Tsui
化妝：Zoe Fan
服裝：Anteprima
攝影：何家賢
撰文：楊安莉