岑珈其爆囝囝Trouble 2𦧲地失控 為兒子樹立好榜樣控制情緒

岑珈其近日獲邀參與於黃埔宣道小學舉辦的「籽望未來」計劃啟動禮，與小一學生大玩「情緒維他命」卡牌遊戲，教導他們表達情緒。珈其自爆兩歲半兒子臻臻正值trouble two時期，試過一次扭計扭到珈其笑囝囝似「鬼上身」，他認為解決小朋友情緒問題是一門專業學問，他仍在努力學習中。

同場加映：馮德倫大讚Meme伯尷尬笑好過癮 自爆財政全權由老婆舒淇揸fit

{{hket:ul-video id="9523"}}{{/hket:ul-video}}

呂爵安推新歌《Again！》MV幕後花絮 岑珈其不滿造型醜怪偷襲「小安」洩忿【下一頁】

{{hket:inline-image name="DSC09673.JPG"}}{{/hket:inline-image}}

{{hket:inline-image name="DSC09797.JPG"}}{{/hket:inline-image}}

{{hket:inline-image name="DSC09810.JPG"}}{{/hket:inline-image}}

珈其一向是廿四孝爸爸，只要有空都會親自接送囝囝返學，建立親子關係之餘，亦可以同老師傾偈，了解囝囝在校情況。活動上，珈其與義工帶領一眾小學生進行情緒卡互動遊戲，跟學生打成一遍，儼如大細路般。他自言在家庭的角色除了是丈夫和爸爸，也是臻臻的「玩伴」，無論多忙總會抽空跟囝囝出街、踩單車。珈其不諱言兩歲半的臻臻最近開始展現不同情緒，他說：「囝囝啱啱接觸YouTube時，好瘋狂咁睇，一唔畀佢睇，佢就發脾氣，喺屋企又會發、喺街又會發，之後我學冷靜，原來只需要set一個時間，例如10秒，10秒已經可以令佢好開心，因為已經做到佢要做嘅嘢；又試過有次佢扭計唔肯沖涼，然後失控大喊，大叫同『典地』，我問太太佢係咪鬼上身，最後我同太太惟有行開，佢『典』足5分鐘，等佢自己冷靜。」珈其指兒子正處於trouble two的階段，情緒十分波動。

{{hket:inline-image name="DSC09.JPG"}}{{/hket:inline-image}}

{{hket:inline-image name="DSC00025.JPG"}}{{/hket:inline-image}}

父母的情緒對下一代亦有直接影響，自成為爸爸後，珈其更學懂怎樣紓壓，免得將負面情緒帶到小朋友之上，他稱：「做爸爸前，自己情緒起伏好大，情緒唔係控制得好好，一路工作、一路成長就變得稍為好啲；但成為爸爸後，呢方面就急速成長，會不斷控制自己情緒，想喺囝囝面前做好榜樣。」經常忙於拍戲拍劇拍綜藝，往往要靠太太幫忙疏導兒子情緒，珈其揚言要更錫老婆，給對方更大的體諒，果然是個「愛妻號」。

岑珈其不捨電影煞科同演員分開 楊偲泳提議同談善言爭仔博宣傳【下一頁】

望子成龍可說是為人父母的終極目標，但對於珈其來說，臻臻能夠身心健康成長才是最重要：「呢個問題，自己每日都諗，覺得佢保持身心靈健康係最重要，自己喺過來人，細個唔係讀咩好叻嘅學校，但就好開心、好自由，鍾意玩咩就玩咩、學咩就學咩。今次活動再次提醒我其實小朋友健康快樂地成長就夠，如果將來讀到書、大學畢業，固然係好，但唔會畀太大壓力囝囝同自己。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

圖片：大會提供
撰文：娛樂組