ViuTV約會真人騷《35+ LOVE》由藝人楊淇（Kate）、趙頌茹（Yu）和趙慧珊（Aka），與不同素人男參賽者dating，進行戀愛實驗，並由陳柏宇、葛綽瑤（Yoyo）和練美娟（娟姐）主持。楊淇表示單身太久恨拍拖，但在節目中，每次約會都表現高姿態、不耐煩，猶如氣氛破壞者。
同場加映：
馮德倫大讚Meme伯尷尬笑好過癮 自爆財政全權由老婆舒淇揸fit
楊淇於2004年拍攝恩師張艾嘉導演《20 30 40》，而獲《金馬獎》、《金像獎》的「最佳女配角」提名，參與過不少舞台劇、電視和電影。疫情下演藝工作受阻，楊淇到大學當保安，其後又學習幕後製作。最近楊淇參與真人騷《35+ LOVE》，跟不同素人約會時的態度令觀眾睇到O嘴，三位主持人咬牙切齒，狠批「不友善」、「吓吓落閘」、「就算同朋友相處都唔應該咁冇禮貌啦」、「唔明點解要擺姿態」、「點解要咁對人？搞到好尷尬」、「點解要咁惡」等。
昨晚一集（7日），楊淇與心儀對像Yatman出海，就直接問男方幾歲，對方回答29歲即觸動其神經。楊淇：「我會話自己40歲囉！唔想畀人話，（這時Yatman問她其實幾多歲？）38，過埋生日就39。」閒聊期間，楊淇講經佬上身，「唔使理過去，最重要係而家...唔使介意人點睇，最重要自己...」Yatman多次想加入話題，都被她一輪嘴阻截。主持人娟姐話：「我明白活在當下，但人哋想了解你或者傾吓偈，你就講一大堆道理去推人。」陳柏宇就話：「成日諗乜都負面，但就喺度扮正面囉！」
楊淇之前兩次約會俱令氣氛突然靜止又尷尬，更一度不歡而散。楊淇曾主動約會素人阿B，但心情卻像天氣一樣變幻莫測，本來歡天喜地逛街，其後到餐廳，楊棋「黑面」加劇，稱︰「得番半個鐘，好趕，咁樣食冇心情，我個腦function唔到，你揀（菜式）啦！」阿B不停緩和氣氛，她一臉嫌棄又表現得極度不耐煩，對阿B的提議通通拒絕。
張寶兒貼素顏照反擊變臉疑雲 竟然撞樣ViuTV年輕藝人【下一頁】
戀講嘢丨日本女優浜崎真緒埋身誘惑193 臉紅耳熱硬晒翹腳：驚條褲有異樣【下一頁】
另一次，Adrian約會楊淇，不停找話題，卻令對方不滿，楊淇更寸爆嘴話：「呢個問題我被問過9億次，唔好好似記者問嘢咁啦，你想我hea答定認真答吖！」楊淇問Adrian年紀，後者請她猜，楊淇即刻著火：「我講咗我唔鍾意估！你唔好講囉！我唔想知。」Adrian問是否有表演慾所以當演員，楊淇稱自細膽小內向，Adrian：「完全唔似。」楊淇又頓時火起炮轟：「無似唔似！咩似唔似？每次聽到啲人話『你唔似咩咩咩』，我就好厭惡！」Adrian不停踩地雷，問及她的過去經歷再被「訓導」一番，「唔好記住以前，因為有以前經歷，先造就今日的我，諗住以前意思係...」
楊淇的真性情引來大量負評，網民留言大鬧：「完全唔識尊重」、「佢問人嘢就得，人哋問佢就要同人嘈交」、「40歲單身有原因」、「黑面落閘，仲成日斬斷人哋講野」、「成日好用力扯起個嘴去教訓人」、「唔怪得佢話慣咗一個人，應該一個朋友都冇」、「果然憑實力單身」、「扮有個性，其實係冇修養」、「任何時候都處於撩交嗌嘅作戰狀態」、「三位主持已經好忍口，正常人都爆粗」。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組
圖片來源：趙詠珊IG、電視截圖