羅密歐與祝英台丨古佩玲性格怕醜望陳浚霆主動出擊 家庭被起底難接受：富有來自知足

古佩玲（Kelly）近年備受TVB重用，劇集《羅密歐與祝英台》獲安排飾演陳茵媺的角色的年輕版，一人分飾兩角，更要挑戰反串演出。Kelly表示由選美開始，都沒有太大野心，信佛的她相信隨遇而安，無論工作還是愛情都一樣。提起緋聞男友陳浚霆，她笑笑口建議對方先從約會開始慢慢發展，似乎女神已「開綠燈」！

{{hket:ul-video id="9554"}}{{/hket:ul-video}}

Kelly繼《寵愛Pet Pet》飾演刁蠻千金小姐後，火速又在《羅密歐與祝英台》有不少的戲份，再加上《愛回家》幾乎晚晚見，可謂忙過不停。她坦言演繹今次角色難免有難度，除了練開槍和動作戲外，最擔心的反串的戲份，「收到劇本最大壓力係要我女扮男裝，其中一幕要主持大局，有種江湖大佬味道，印象好深刻，因為從未試過呢種角色。一時小女生咁好驚嗌：『哥哥救我！』下一秒就壓低把聲變Man爆：『哥哥救你，妹妹快走！』我都好好奇剪接出嚟會喺點樣。」

愛回家｜古佩玲慘成「膠面」嫌疑人點回應？ 三太樊亦敏自信純天然冇整容【下一頁】

{{hket:inline-image name="1S8A0940.JPG"}}{{/hket:inline-image}}

{{hket:inline-image name="1S8A0980.JPG"}}{{/hket:inline-image}}

{{hket:inline-image name="1S8A1011.jpg"}}{{/hket:inline-image}}

{{hket:inline-image name="WAH_2258.JPG"}}{{/hket:inline-image}}

{{hket:inline-image name="YUS_3151.JPG"}}{{/hket:inline-image}}

{{hket:inline-image name="7e9c1be4-d009-4e0b-b8cb-7fd071168c7a.jpg"}}{{/hket:inline-image}}

Kelly為圓婆婆的心願參選《2019年度香港小姐競選》，最終以「黑馬」姿態奪得季軍及「今日頭條最受歡迎香港小姐」，入行短短4年時間備受力捧，同時亦收到不少言論抨擊。有指她家底好財力雄厚，亦有不少人指斥她整容變臉，對於負面批評，Kelly慢慢學習去接受，「選美時都有唔同嘅聲音，好多人起我底，當時的確接受唔到，記得當晚選完之後就爆喊，有一段時間冇再玩社交平台，消失一排，因為唔想影響到屋企人。父母反而激勵式支持，見我唔開心時就話我知，經過今次件事打唔冧我嘅話，人生將來遇到咩事都冇問題，只會變得越來越強。無論做咩行業都好，唔好輕易被打冧，我就一直用呢種信念，因為人生都係一場修行，不斷修行去令自己升級。」

Kelly稱父母和哥哥在身在內地生活，自己隻身留港發展，難免會記掛家人，特別是她最愛錫的姪仔，所以只要有假期就會北上探望他們。獨自一人留港，Kelly稱不孤單因為有狗狗陪伴，至於跟陳浚霆傳出緋聞，Kelly對於兩人的發展開綠燈，「我信佛所以好睇緣份，睇風少（陳浚霆）接唔接受呢個緣份啦，叫佢主動約我食多幾次飯先啦，因為我好怕醜呀！」Kelly稱兩人緋聞一出，沒有跟陳浚霆傾過，亦沒有夾口供，但面對記者的提問，兩人感覺心靈相通，知道如何回應。此舉證實兩人默契十足，是否可以再走前一步？Kelly說：「喺埋一齊？好難呀，睇緣份啦！我覺得要先相處吓，感情呢樣嘢，認識嘅時候可能好多火花，但要經過相處先知係咪夾得嚟！」

寵愛Pet Pet丨古佩玲演刁蠻千金高音頻網友嫌煩 率先爆結局預告：錢敏莉會黑化【下一頁】

年僅19歲就選美入行，Kelly沒有接受太多訓練就上場拍劇，幸好有《愛回家之開心速遞》磨練，由無名的島大同學開始，到後來得到「租客」申瑞素一角，她認為心裡滿滿都是感恩。「無論演技定係為人處事都未識，後來得到演素素嘅機會，我好珍惜、好感恩。」她坦言對未來角色或者工作沒有任何預期，繼續她的「佛系」態度看待事業和人生，「冇諗太多將來會變成點，最緊要珍惜而家擁有嘅。我認為富有狀態就係知足，因為人有執著先會唔開心。時代節奏好快，人好易陷入焦慮，點樣解決焦慮，就係學識知足常樂！」

{{hket:inline-image name="1S8A1192.JPG"}}{{/hket:inline-image}}

{{hket:inline-image name="1S8A1088.jpg"}}{{/hket:inline-image}}

{{hket:inline-image name="1S8A1097.JPG"}}{{/hket:inline-image}}

{{hket:inline-image name="1S8A1143.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：馬駿傑
撰文：楊安莉