冰上火花丨大細B打正旗號闖更衣室影肌肉男 岑樂怡黃可盈各自增值做「入屋」演員

ViuTV劇集《冰上火花》圍繞一大班男生在溜冰場上為冰上曲棍球戰鬥的故事，當中負責緩和氣氛的就非岑樂怡和黃可盈莫屬，大B（岑樂怡飾）及細B（黃可盈飾）同屬火花隊，不過劇情上出現在更衣室比溜冰場更多，兩人不斷偷拍男隊友的肌肉照作「藝術交流」。雖然劇中不是主角，但卻在不可缺失的位置，現實生活中，兩位女生不約而同在不同範疇上增值自己，希望努力成為「入屋」演員。

{{hket:ul-video id="9545"}}{{/hket:ul-video}}

岑樂怡（阿妹）和黃可盈今次在劇集中「孖公仔」出現，雖然屬於火花隊，但落場打波的機會不多，可盈說：「我哋好鍾意影相，類別就特別鍾意影肉色嘅嘢，同埋男隊友之間互動。」阿妹笑言角色設計絕對不是色瞇瞇，反而是藝術角色去欣賞男隊友的身材，拍攝時兩女都不尷尬，反而令男隊友們大為尷尬，「拍攝時真係好多肉肉，因為係真係更衣室拍，一閒談我哋就會影相，（好多福利圖？）係呀，影咗好多，因為我哋係菲林機真影，不過劇組收埋晒，好想問佢哋拎番！」

叠影狙擊 X 冰上火花｜朱鑑然上位「打自己」現身兩台劇 機智黑客VS執着爸爸 反差勁大【下一頁】

{{hket:inline-image name="DSC07632.jpg"}}{{/hket:inline-image}}

{{hket:inline-image name="DSC07524.jpg"}}{{/hket:inline-image}}

現實生活中，阿妹和可盈都是花式溜冰的高手，不過原來跟冰上曲棍球的鞋設計大不同，她們事前都要花時間去練習，見到不少男演員都瘀傷處處，她們笑言女生安全至上沒有受傷，反而她們拍攝時被大家的熱血感動。可盈說：「佢哋好勁，拍攝前1、2個月先開始練習，大部分演員都冇溜冰底子，由零開始到而家已經超越咗我。」阿妹透露當時拍攝工作要等溜冰場關門才開始，所以大家捱更抵夜，加上COVID及流感高峰期，不少演員都病倒，「阿Gao（COLLAR成員沈巧貞）有一日發高燒差啲暈低，好多人都病，因為冰場攝晒冷氣，但打波又會出汗，所以好易病，見到大家病住都完成拍攝工作，真係熱血同感動。」可盈表示最熱血是完成拍攝後，她跟王智騫等人真組隊參加業餘的比賽，雖然女生較多，但隊中有港隊人馬加持，在比賽中都有不錯的成績。

阿妹和可盈笑言角色的設定關係，跟MIRROR成員沒有親熱戲，但跟他們拍劇見證到其威力，每朝早商場開門，大批粉絲就會湧到溜冰場旁邊的餐廳食早餐，隔著膠板目睹偶像拍攝的工作。而且粉絲們的應援食物都令兩人大感窩心，拍攝到凌晨會收到熱湯，令她們非常幸福又感動。問到現實生活中，會否對同劇的爆肌男心心眼？阿妹說：「相反，我係鍾意張家輝嗰種，唔係《激戰》入面個佢，因為我男朋友好似張家輝，所以我鍾意。」可盈笑言：「我鍾意睇女仔做Gym多啲，見佢哋咁努力我先有動力，劇入面要演少少『中二病』迷『BL』劇嗰種，所以我哋都真係要演呀！」

{{hket:inline-image name="wong12.jpg"}}{{/hket:inline-image}}

{{hket:inline-image name="wong34.jpg"}}{{/hket:inline-image}}

冰上火花｜AK 模仿木村拓哉隊員讚有Feel 鏡粉愛數亮相鏡頭Lokman：祝好運【下一頁】

阿妹今年重踏校園生活，全職讀人類學碩士課程，由於讀書和工作兼顧，令她分身乏術，掉頭髮又消瘦，但她覺得辛苦卻非常值得。「本身諗住去美國讀戲劇，但由於COVID關係停擺，後來同吳蚊蚊去咗尼泊爾，見到啲山呀感覺同生命好靠近，覺得人生要做番啲事，見人類學同文化、歷史等等有關，我都幾有興趣，相信將來對演戲和做節目都有幫助。（諗定後路？）冇咁諗，呢幾年發生太多事喇，冇諗太多安排，只係自己想做就去做。」可盈坦言非常佩服阿妹，她都考慮過再進修，但一想到要做功課和考試就打退堂鼓，反而她在健身上就非常積極，「做Gym都係一樣為自己努力嘅事，好多人話女仔做Gym唔好，太大隻唔好睇，我就要拋開呢啲束縛，唔係要取悅人哋，靚身形係要滿足自己。」

{{hket:inline-image name="DSC07608.jpg"}}{{/hket:inline-image}}

{{hket:inline-image name="DSC07594.jpg"}}{{/hket:inline-image}}

{{hket:inline-image name="DSC07623.jpg"}}{{/hket:inline-image}}

{{hket:inline-image name="DSC07578.jpg"}}{{/hket:inline-image}}

阿妹和可盈認為雖然角色份量不算重，但在拍劇的工作上希望多加努力，做一位入屋演員。阿妹說：「如果拍完劇有人喺街叫你角色名，我會好開心，因為個角色由零去建立，透過成個團隊努力，令大家記得你。同做節目好唔同，出街大家好似好熟嘅街坊咁，介紹邊度啲橙好抵，就會嗌你本人，個感覺完全唔一樣。」可盈認為自己暫時未有代表作，但希望先努力讓大家對她的演出有印象，慢慢再繼續求進步。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：何家賢
撰文：楊安莉