35+LOVE│楊淇心儀對象只冧Aka放棄約會 媽媽輕生導致情緒化大派洋蔥

真人騷《35+LOVE》由楊淇（Kate）、趙頌茹（Yu）和趙慧珊（Aka），與不同男參賽者進行約會實驗。楊淇先後與三名男士約會，但心情飄忽，時而黑面時而滔滔不絕教訓對方，真性情不但嚇怕約會男士們，更加令觀眾睇到眼火爆。楊淇昨晚（15日）坦白為人極端又負面的背後真相，原來源於15年前發生的一件事。

同場加映：

冰上火花丨大細B打正旗號闖更衣室影肌肉男 岑樂怡黃可盈各自增值做「入屋」演員

{{hket:ul-video id="9545"}}{{/hket:ul-video}}

{{hket:inline-image name="6818bdfa-9ec8-4790-91c1-a18f38ab1a2e.jpg"}}{{/hket:inline-image}}

{{hket:inline-image name="e57cdad5-fc8d-41fe-bf4f-38c900dd8411.jpg"}}{{/hket:inline-image}}

楊淇先後與「暖男老闆」阿B、「成熟音樂人」Adrian和「海之子」Yatman約會，她對阿B最有好感，跟他進行第二階段的4小時約會，她一反酷爆個性，帶對方去玩夾公仔，跟之前「黑臉人」差天共地。大夥兒玩真心話遊戲時，阿B被問到揀誰做拍拖對象，他當眾說：「Aka囉！佢畀到我初戀感覺。」完全忽視楊淇。昨晚，真人騷進入第三階段9小時約會，她最後選擇放棄繼續約會，而選擇去「靜心」修煉。

{{hket:inline-image name="b5728ab6-f51a-4dc3-bb89-f51c2e40869b.jpg"}}{{/hket:inline-image}}

楊淇直認：「我本身係情緒up and down比較頻繁同極端嘅人，做咗靜心練習之後，（情緒）冇以前去得咁盡，修行嘅目的就係更加認識自己，搵方法去幫助、陪伴、接受同包容自己，做自己最好嘅朋友。」續說：「其實講就容易，但人生一遇到一啲嘢，就會有情緒，我冇可能一時一刻將情緒立即消失，我只能夠接受我有情緒，而呢個情緒可能令我唔舒服，但學識用一個平靜啲嘅方法去同情緒共存。」

《35+ LOVE》｜楊淇港女格現形陳柏宇斥「扮正面」 網民狠批乞人憎：40歲單身有原因【下一頁】

楊淇表示情緒最困擾是2009年，因為2008年經歷人生重大打擊，「2008年我媽咪過咗身，佢…唔…佢係自己選擇離開嘅，嗰陣我喺台灣排緊戲，嗰陣我太細（24歲）…經歷咗一段好黑暗嘅時間，中間有搵過好多方法去解決，我試過離開香港一年，自己去咗台灣生活。嗰陣時情緒出問題，係我鑽咗牛角尖，我冇畀出路自己，亦都唔識搵出路…我而家堅持去做靜心，已成為生活嘅一部分，我而家唔再係被情緒牽住亂咁走，好似飲醉酒去亂揸車，我以前就係咁，但當年紀漸大時，我想平靜下來，我唔想咁攰…有一段時間，我長期會嘔，我叫呢啲做壓力嘔，當突然想嘔，我就知我又逼自己去嗰一位係出乎自己能控制範圍…」她表示會努力去面對自己的情緒問題。

楊淇表示常被問演過最喜歡哪個角色，「我會答舞台劇《久天長地》嘅曾悅意，點解咁鍾意？因為曾悅意係被寵愛，有一段情節係個男仔向佢求婚，（深呼吸眼濕濕）我而家講都有啲激動，戲入面所有人都好愛佢，但喺我現實生活中係冇發生過。」她眼眶一紅去抺眼淚。

《35+ LOVE》｜趙慧珊Aka被網友斥「綠茶婊」 「真係㗎？」無限Loop煩過吳若希【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
 

撰文：娛樂組

圖片來源：楊淇IG、《35+LOVE》截圖