非份之罪｜ 阮浩棕無懼當住何沛珈面床戰劉佩玥 緋聞後首同場：佢角色好憎我

吳啟華、陳煒、朱敏瀚、劉佩玥、阮浩棕、戴祖儀、游嘉欣、貝安琪、黎燕珊等演員今日出席TVB新劇《非份之罪》開鏡拜神，新劇分成幾個單元，每個單元都是獨立的故事。而阮浩棕就是單元「恐怖情人」的男主角，劇中與劉佩玥及多位女演員都有對手戲，可說是「豔福不淺」。當中阮浩棕再度與緋聞女友何沛珈同劇演出，這對緋聞情侶接受《晴報》訪問，指不怕因劇再傳緋聞。

同場加映：萬千星輝賀台慶丨《東張》女神谷胸露腿搶晒花旦風頭 洪永城疑家有喜事再做老竇

{{hket:ul-video id="9615"}}{{/hket:ul-video}}

阮浩棕指今次角色是一位室內設計師，「呢套單元得幾個演員，今次套劇好誇張，我同大部分女演員都有感情戲，就連同阿媽都唔係普通母子關係咁簡單。會同劉佩玥阿Moon有激情戲，好大發揮。不過因為角色係室內設計師，又唔使操大隻。」

{{hket:inline-image name="6896786070.jpeg"}}{{/hket:inline-image}}

至於何沛珈在劇中演阿Moon的閨密，她直言今次角色情感挑戰好大，每個時期都有變化，「套劇入面，我係一心向住阿Moon，係一個好愛佢嘅閨密，好保護對方。」問到她與阮浩棕的有沒有對手戲，她就指：「劇入面目睹阿Moon同佢拍拖多…」阮浩棕就大爆同女方都有突破戲，「嚴格呢講，佢角色係好憎我…總之個故仔好好睇。」

{{hket:inline-image name="678.jpeg"}}{{/hket:inline-image}}

阮浩棕和何沛珈曾於《靈戲逼人》和《異空感應》同劇演出，有傳兩人因而暗中撻著。不過他們就指不怕因再次合作而再傳緋聞，何沛珈說：「唔怕，演員嚟架嘛。」而阮浩棕則表示：「唔驚，緋聞同劇無關係，最緊要劇好睇！」

{{hket:inline-image name="04c825ab-86f8-492c-9ca4-a07234f028c2_600.jpg"}}{{/hket:inline-image}}

另外，劉佩玥繼《隱門》之後再度與阮浩棕演情侶，她指自己為了這套劇放棄了假期，「呢個故仔好精彩，我本身諗住放假，去一個長trip，但聽完個故仔好吸引，所以即刻銷假。好想拍呢個故仔，同以前角色唔同，會畀到驚喜觀眾。個故仔係關於前世今生，劇中我同阮浩棕分咗手後，身邊出現好多女人，佢哋都幾恐怖。」

問到她今次拍劇夾在緋聞情侶阮浩棕和何沛珈中間，會不會尷尬？她笑言：「我都唔知咩叫尷尬，佢哋係緋聞情侶咩？我無留意。（何沛珈會監場？）我覺得監場係監製同導演，大家做嘢啫，我諗演員都係專業，都唔需要諗呢啲嘢。」

何沛珈傳與阮浩棕低調拍拖 冇否認戀情讚對方：好好嘅朋友【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

攝影、採訪：楊安莉

撰文：娛樂組