新聞女王丨御用惡人激瘦霸氣不減兇走記者 譚俊雄入行近40年笑嘆：好人難做

新劇《新聞女王》昨晚首播，最具爭議的一幕是陳曉華飾演的唐芷瑤為了得到拍下巴士意外的車Cam片，不惜打爛車窗偷走攝影機，為了搶獨家新聞而涉嫌刑事毀壞，相當誇張。貨Van車主（譚俊雄飾）原本向唐芷瑤和張家妍(李施嬅飾）索價4萬元交易，最終兩人拒絕買新聞而放棄，車主一時兇神惡煞，一時又色瞇瞇想抽唐芷瑤水，相當討厭。

同場加映：萬千星輝賀台慶丨《東張》女神谷胸露腿搶晒花旦風頭 洪永城疑家有喜事再做老竇

{{hket:ul-video id="9615"}}{{/hket:ul-video}}

《新聞女王》連有線新聞主播都追 麥詩敏姚雋彥嘲離地不合乎現實【下一頁】

{{hket:inline-image name="TAM2.jpg"}}{{/hket:inline-image}}

{{hket:inline-image name="TAM1.jpg"}}{{/hket:inline-image}}

電視迷相信對譚俊雄的樣子都不太陌生，他經常都會客串劇集的演出，大多數都是演惡人壞蛋，本身是特約演員的他近排甚少露面，昨晚一集再見到他的客串現身，不少網友都留意到他變瘦不少，幸好消瘦之後仍然不減霸氣，照樣「靠嚇」嚇走李施嬅和陳曉華。

譚俊雄接受《晴報》電話訪問，他表示：「少見我？因為本身而家都好少工開，無論TVB定其他網劇要特約演員都比較少。過往我大多數都係做惡人蝦人嗰啲，或者江湖片嗰啲，好人難做呀，所以我做惡人容易啲囉！(街坊會唔會怕咗你？）唔會，識我嘅人就知我冇架子又唔惡，街坊梗係唔會驚啦！」譚俊雄透露自己本身有正職，不過好鍾意演戲，所以一直都做特約演員，至今已經入行近40年時間，「以前亞視年代就真係好搵喇，幾乎日日都有工開，而家真係一個月都未必開到一日工。（唔直接做演員？）好耐之前有傾過，人哋想簽呀，不過價錢又傾唔啱，而家係自由少少囉！」他表示以往拍網劇都是收電影價錢，較TVB開劇高，不過今次《新聞女王》照樣用TVB價錢，他說：「冇所謂啦！最緊要開心，唔計較得咁多！」

{{hket:inline-image name="re13.jpg"}}{{/hket:inline-image}}

{{hket:inline-image name="re14.jpg"}}{{/hket:inline-image}}

《新聞女王》未播片段率先流出 何依婷扮惡面目猙獰被彈戲屎【下一頁】

提到不少網友見他變瘦不少，擔心他的健康情況，譚俊雄說：「年紀大就瘦呀啦！冇咩事，會行會走完全冇問題！自己照顧到自己！」

一直以惡人形象深入民心，問到譚俊雄有沒有演過好人，他笑言曾經演過《警訊》入面的警察，只是後來慢慢習慣演壞人，而令他最印象深刻的一次是《愛回家之開心速遞》中客串運輸工友，在池富（王俊棠飾）面前承認自己是同性戀耆，更跟科哥（姚兵飾）手拖手公然認愛，非常甜蜜。他說：「我仲記得個角色叫拖頭，呢場戲真係好特別，竟然叫我演同志，仲要手拖住手咁樣做情侶，真係好搞笑，我哋邊拍邊笑到停唔到。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組