姜濤疑遭暗諷「衝出香港」得個講字 客觀心態面對：學識接收唔同聲音

姜濤今日（24日）出席時裝店開幕，亦是他閉關排練MIRROR演唱會前最後一個公開活動。日前音樂人兼rapper MasterMic出post，無開名謿諷某些藝人只得努力，口說衝出香港但無成績，網民認為矛頭直指姜濤，姜濤今日亦回應相關言論。

同場加映：叠影狙擊丨郭政鴻慶幸功夫底成御用反派 不反對兩女入行：夢想要有底線

{{hket:ul-video id="9602"}}{{/hket:ul-video}}

{{hket:inline-image name="DSC09013.jpeg"}}{{/hket:inline-image}}

姜濤吸引大批姜糖逼爆商場，提到鏡仔明年一月舉行演唱會，姜濤表示心態上已準備好，又指演唱會將會保留之前部分元素，亦會表演新歌。曾有粉絲投訴上次演唱會，部分成員solo環節太少，姜濤亦希望屆時12子表演部分比solo多：「因為今次係團體演唱會，我哋一齊嘅演唱會, 想畀大家睇一齊嘅表演。如果係solo我哋有好多機會，但12個人一齊嘅機會好少，想以大家為主。」

姜濤認衝動再次向女網友公開致歉 減少玩社交媒體：我要消化得好啲【下一頁】

提到有鏡粉大頭蝦錯過換票時機，有人更向《東張西望》投訴。姜濤不知道有關事件：「我無辦法幫佢哋解決，要交畀公司處理，希望每一個fans都會睇到，下次唔好咁大頭蝦。」有鏡粉換飛後不滿座位安排，中價飛位置甚至比貴價飛更佳，姜濤說：「真係冇法，因為今次場地同場數都唔一樣，我哋都想有最好嘅安排畀大家，知道好多唔同嘅聲音，會盡量平衡番，但始終好難一樣，而身為表演者，只可攞出比上次更好嘅表演。」

{{hket:inline-image name="1.jpeg"}}{{/hket:inline-image}}

另外，姜濤與盧瀚霆、陳卓賢、張敬軒及尹光齊齊殺入叱咤頒獎禮「我最喜愛的男歌手」最後五強，姜濤表示保持平常心，自己也不打算投票：「我冇乜玩手機，投票交畀公眾決定，我自己係表演者，做好自己就得。」提到「勁敵」光B走勢凌厲，他說：「我聽過尹光前輩喺演唱會唱我嘅歌，好開心，因為係一個榮幸，雖然未有機會同佢接觸到，希望日後有機會同佢多啲交流同學習…多謝佢一直以來嘅讚賞同支持，我哋都好支持佢。」

曾路得評新晉歌手點名讚姜濤 睇好一女新人成績媲美林憶蓮【下一頁】

{{hket:inline-image name="364041412_849363363222485_3227624414076917573_n.jpg"}}{{/hket:inline-image}}

至於MasterMic揞名寸某藝人，不少網民估計他所指的正是姜濤，姜濤回應說：「我唔可以唔畀人評論任何嘢，身為公眾人物，就有心態去接受唔同聲音，係咪講我都好，我會盡力做好畀大家睇。好多嘢起碼講咗出嚟先，如果一個人想做咩都唔夠膽講，連做都唔會夠膽做。無論欣賞我定討厭我嘅人都好， 我都多謝大家，呢啲聲音令我成長。」提到曾路得點名讚他，他說：「好多謝大家嘅讚賞同批評，自己用好客觀心態去審視自己表現，好多啱定唔啱嘅說話都好，都要嘗試去接受，可能有啲唔開心同唔舒服，但都係必經階段，學識接收呢啲聲音。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

採訪：黃曉妍

攝影：林嘉銘

撰文：娛樂組