我們的青春日誌丨陳恩碩認好勝打造不可能任務 長壽劇望演員能零負擔投入追夢

陳恩碩成功打造香港首個長壽音樂劇《我們的青春日誌》，如今公演的已經是第八版的劇本，演出合共超過300場。曾經有不少「睇衰」的聲音，「唔會有人睇超過3次」、「3個月內一定執笠」等等，但他靠著好勝的心態，每天廢寢忘堅持努力，終於獲得業界及觀眾一致的認同。陳恩碩不願原地踏步，努力打造第二個長壽音樂劇，亦為新晉的劇界同業能夠無後顧之憂地追夢。

同場加映：社內相親｜Ben Sir盧覓雪演老夫老妻一拍即合 雪雪爆頂唔順韓劇橋段經常中伏

{{hket:ul-video id="9678"}}{{/hket:ul-video}}

我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作【下一頁】

{{hket:inline-image name="DSC05404.jpg"}}{{/hket:inline-image}}

{{hket:inline-image name="DSC05401.jpg"}}{{/hket:inline-image}}

陳恩碩透露今次為《我們的青春日誌》推出「8.0」的版本，除了變得濃縮更精簡外，亦有新演員的加入炮製全新的火花。「始終人長大咗一年，好多設入點都會唔同咗，過往有位觀眾最高記錄睇50幾次，我有信心佢睇完呢個版本之後，再會想返嚟睇！」今次版本除了邀請到關寶慧載譽回歸演嚴校長，更有蘇韻姿首次加盟挑戰港女Nancy的角色，「揀演員班底我好睇感覺，我覺得感覺同性格中，就已經贏咗一半。（明星效應？）其實我近年係用少咗名人或明星，《我們的青春日誌》呢個班底都只係十幾場，其他日常場次繼續都用番素人演員，而最近用明星效應係《大象的告別式》。其實所謂明星效應係用流行曲或者熟悉嘅面孔，希望吸引未行過入劇場嘅人走入劇場，我哋唔會有藝人就亂咁創作，一樣會有高質素，至於《我們的青春日誌》係長壽劇，反而養成香港有睇騷嘅習慣，兩個目的係完全唔同。」

他透露《小男人周記》試演一段時間，正籌備在港島區尋覓合適的場地，打造第二個長壽舞台劇，作為監製的陳恩碩坦言過程相當不容易，「就算有投資者投資，營運都好困難，觀眾席只得150個座位，每晚30人去做呢場騷，所以要做好多周邊嘢，例如我哋開咖啡室，希望可以補助個收入。諗呢啲仲辛苦過寫劇本，因為劇本唔使合乎現實，其實而家就算每晚坐滿都只係維持到本金，而唔係賺錢。」

譚偉權拍劇角色被定型決意離巢 中年無阻續夢感激太太無限支持【下一頁】

{{hket:inline-image name="DSC06637.jpg"}}{{/hket:inline-image}}

{{hket:inline-image name="DSC05382.jpg"}}{{/hket:inline-image}}

{{hket:inline-image name="DSC06613.jpg"}}{{/hket:inline-image}}

陳恩碩表示最困難是初初將構念去說服投資者，「初初真係冇人相信香港可以做長壽音樂劇，試過搵政府、搵基金或者好多不同投資者，個個都話雖然你理念好好，但真係賺唔到錢。好多人話：『呢個騷包你三個月內一定執笠』、『計幾年先維本？』、『冇人一個騷會睇超過三次』等等，呢個就真係可以摑佢一巴，因為有人睇超過50次！」他笑認自己有種好勝心，別人說沒可能，他就偏偏要做得到。他認為香港正正因為未能養成睇劇文化，導致舞台劇入座率不足，好多中小型劇團營運得好辛苦，打造長壽音樂劇是希望舞台劇成為主流文化，帶動劇場更多有潛質的演員或者幕後人員讓公眾認識。

{{hket:inline-image name="DSC06600.jpg"}}{{/hket:inline-image}}

{{hket:inline-image name="DSC06651.jpg"}}{{/hket:inline-image}}

陳恩碩感恩有幸福的家庭，父母全力支持他追夢，但同業有很多連告知父母都不敢，「舞台劇唔係搵唔到錢，希望透過今次劇目，令有志投入舞台劇界有份穩定收入，起碼有底薪叫做有個安心。我哋好多演員都要返工，一放工即刻飛車嚟開騷，對佢哋熱愛同鍾意表演嘅人嚟講，入劇場表演係放鬆嘅娛樂。我明白平衡現實同理想好難，我至今都冇出過一蚊糧，因為我唔打算出糧，我覺得呢個係理想嚟，所以我出面接好多工作維持生計同埋填呢度條數。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

場地：爆炸戲棚劇場Ko's Coffee
攝影：何家賢、王華婷
撰文：楊安莉