家庭問題｜裙腳仔老公成副身家交姑奶保管 港媽斥全家無賴 憂一事害埋個仔

家家有本難唸的經。一名港媽發文苦訴，指姑奶未婚且從未拍拖，總視弟弟、即其丈夫如小孩看待，丈夫卻又事事依順，甚至將全副身家交給姑奶保管，批評丈夫是「裙腳仔」、「媽寶」，痛斥夫家全是無賴，更擔心一事會影響兒子成長。

同場加映：
管家王｜曬衫等3大壞習慣易致窗戶損壞推唔順 即學DIY檢查法3件法寶急救

{{hket:ul-video id="9694"}}{{/hket:ul-video}}

家用問題｜每月畀家用懷疑老爺奶奶倒貼叔仔，港女呻不公求救：有咩方法防止？詳情即睇：【下一頁】

該名女網民日前在「香港討論區」發文，表示與丈夫育有1名兒子，姑奶、即丈夫姐姐現年50多歲，從未拍過拖，總是想盡辦法儲錢積穀防饑，對此她認為可以理解。然而，她指即使丈夫已經結婚、生兒育女，姑奶仍視弟弟為「BB」一樣看管，甚至要管住弟婦和姪兒，

「頂唔順老公家姐同個細佬加埋都成百歲，仲當個細佬係小朋友，仲成日同個細佬講防人之心不可無，記住要識得保護自己，所以有咩都要家姐幫你作主嘅態度，真係頂佢唔順，仲話用錢係問佢借，係咪超變態？」

丈夫身家全交姑奶

事主指丈夫未有對姐姐不滿，反而事事順從對方，甚至將整副身家交給姐姐，每當家中需要用錢，也要先經姐姐同意。她又形容丈夫如同「媽寶」，憶述老爺離世前在醫院留醫，當時去醫院探病仍要做檢測，

「我問老公係咪要做定檢測帶阿仔去見爺爺最後一面，老公話家姐話唔好，因為多細菌！我就覺得唔應該，所以再問，老公就連老爺過咗身都唔係第一時間知！我之後想再問清楚，老公竟然答話係與唔係都唔關我事。」

對丈夫訓話影響形象

事主又批評姑奶經常在兒子面前，數丈夫不是甚至訓話，影響丈夫在兒子心目中的形象，「成日喺佢面前話佢爸爸冇用，搞到個小朋友冇咗個hero（英雄）」。她又擔心兒子日後都會變成另一個「媽寶」，「乜嘢都話個細佬搞唔掂，佢幫佢，咁我個仔咪又會潛移默化成為一個『媽寶』。點解要不停話個細佬搞唔掂、唔識教仔，去否定個細佬照顧好奶奶同老婆、仔女嘅權利」。事主感嘆誕下兒子後，丈夫才「原形畢露」，怒斥對方全家都是「無賴」，但只能怪自己當初有眼無珠。

網民：任人擺布 VS 自己做多啲

不少網民看到帖文後，批評事主丈夫毫無主見、任人擺布，但都有人疑惑他把資產交給姐姐保管是否另有原因。有網民則指情況其實十分普遍，建議事主嘗試想方法自保：「香港呢啲事十常八九」、「每個月將家用儲起10%」。

↓ 點 擊 圖 片 放 大 ↓

家用問題｜每月畀5位數父母無錢畀家用，人妻嘆誤嫁媽寶老公，詳情即睇：【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】