新聞女王丨何依婷輿論聲中學會自我肯定 拒婚姻綑綁：最重要搵到內心平靜

何依婷入行短短6年時間，受公司力捧在多個劇集中擔綱要角，她坦言入行初期曾為網上負評而自我質疑陷入情緒黑洞，慢慢才學會放下，每次都自我催眠「你得呀！加油！」，順利完成一次又一次的挑戰。娛樂圈競爭激烈，依婷選擇跟「Mr. Right」結婚榮升人妻，她認為婚姻無礙工作，希望繼續追求事業的突破，最重要找到內心的平靜，不讓人生留有遺憾。

{{hket:ul-video id="9746"}}{{/hket:ul-video}}

依婷在劇集《新聞女王》中飾演徐曉薇，角色是情緒病患者，戲份發揮和情緒變化，絕對不比Man姐（佘詩曼飾）輕易。「我人生最黑暗、最唔開心嘅日子就係演徐曉薇呢幾個月，強迫自己唔開心，唔同人講嘢，坐喺車入面不斷諗唔開心嘅事，完全封閉自己幾個月。」依婷坦言同情曉薇這個人物，悲傷放下不，令憤怒和悲傷不能自控，但慶幸自己是善忘的人，就算笑點低、淚點低，發生任何不快事，很快就忘記。

{{hket:inline-image name="DSC08185.jpg"}}{{/hket:inline-image}}

{{hket:inline-image name="DSC08200.jpg"}}{{/hket:inline-image}}

{{hket:inline-image name="DSC08211.jpg"}}{{/hket:inline-image}}

何依婷婚前派對玩「浴袍團」誘惑 張秀文婚後久違露面身形大變【下一頁】

依婷表示自己的人生由小時候到升讀大學，一直都非常順遂，直至入行後，才發現原來世界跟想像中的不一樣，不是每樣事情都如意。「入行初初兩年唔太識得面對被攻擊，打開IG留言有200人話鍾意我，但我偏偏淨係在意一個人留言，佢話我：『好醜，唔明點解選到港姐！』我就不斷放大踐踏我嘅評論，所以有一段時間自我價值特別低，反問自己係咪唔適合呢行？我係咪真係好醜？係咪咁一文不值呢？」她感激一班支持她的粉絲和朋友，讓她感覺到被人欣賞，而並非Haters口中形容的那樣不堪，慢慢學懂不要因輿論而看扁自己，正面面對壓力和逆境，逐漸成長。

在《十月初五的月光》獲安排女主角「君如」一角，她坦言既開心又擔心，因為演戲經驗不多，當時她惟有不斷自我催眠「你可以的」、「你要加油」，「我盡咗最大努力去演好每一場戲，劇集播出後反應如何都好，就視作學習嘅過程。」

新聞女王丨何依婷備婚宣傳劇集約會多 嬲爆被跟蹤：上封面唔係我自願【下一頁】

{{hket:inline-image name="F0hPZoV1VwH5z_uJQ0tKbRIBUVOxneC2OXeUoDl3lKA.jpg"}}{{/hket:inline-image}}

{{hket:inline-image name="596f89d0-4b58-11ec-b9fb-09687e27d10a.jpg"}}{{/hket:inline-image}}

{{hket:inline-image name="DSC08097.jpg"}}{{/hket:inline-image}}

{{hket:inline-image name="DSC08089.jpg"}}{{/hket:inline-image}}

29歲的何依婷快將結婚嫁人，她感恩未婚夫一直以來很支持她的工作，「大家各有各忙，但從來冇抱怨，反而忙碌但仍然肯為對方抽時間見面陪伴，唔係仲甜蜜咩？我哋珍惜大家相處嘅時間，呢種相處模式好舒服！」結婚後，何依婷將會繼續幕前工作，從沒想過退出，「邊個話女仔結完婚就唔做嘢？男藝人宣布結婚，個個都問係咪接多啲工作養老婆，點解女藝人結婚，大家唔可以叫我拍多啲劇？呢個年代唔可以再用婚姻去綁住女仔，女仔都要努力幹一番事業。」

何依婷笑言自己跟徐曉薇不一樣，不喜歡競爭，她希望將來每一套戲的角色都能夠有所突破和進步，「我唔鍾意爭嘢，唔係要得獎或者做幾多次女主角，但一定要對自己有要求，將自己做到最好就足夠，最重要搵到自己內心嘅平靜。人生好多範疇，時間好短，唔好畀自己留有遺憾。無論幾多歲，唔好嫌太遲，做自己鍾意嘅事，畀自己開心，當十年後再回望，你唔會後悔而家所做嘅事。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

首飾：Promise Jewellery

攝影：何家賢、王華婷
撰文：楊安莉