楊千嬅丁子高重遊美國秘婚場地 宣布農曆新年澳門開騷

楊千嬅今年啟動《MY TREE OF LIVE世界巡迴演唱會》，轉眼間已經唱到第17場，剛剛又完成了多倫多、康州、拉斯維加斯、馬里蘭州四個地方的演出，昨日更宣布2024年2月14至15日於澳門銀河綜藝館繼續開騷。

同場加映：社內相親｜Ben Sir盧覓雪演老夫老妻一拍即合 雪雪爆頂唔順韓劇橋段經常中伏

{{hket:ul-video id="9678"}}{{/hket:ul-video}}

{{hket:inline-image name="IMG_2850.JPG"}}{{/hket:inline-image}}

{{hket:inline-image name="IMG_2423.JPG"}}{{/hket:inline-image}}

今次美加之行，千嬅更帶媽咪一起出發，工作之餘，又帶媽咪去食好嘢、又跟老公丁子高重遊當年於拉斯維加斯先斬後奏註冊結婚的小教堂，讓媽咪感受一下兩人當年的「勇」。千嬅表示，2019年在美國演出之後，已經4年未去當地，感覺拉斯維加斯也改變了不少。千嬅今次非常開心，因為很多朋友為了看她的演出，駕車數小時到現場，加上觀眾反應熱烈，令她感到很是溫暖：「每一場演出都似大型KTV咁，首首歌都大合唱，真係好勁呀班觀眾，好多謝佢哋咁支持。」

千嬅亦帶媽咪一齊玩，看魔術表演，又去了新地標Sphere睇騷：「我媽咪勁呀，佢時差都搞得掂，仲精靈過我。去到當年我同丁生註冊個小教堂，因為當年註冊媽咪冇喺現場，我咪講番當時情況，同啲小故事畀佢聽，佢都聽得好開心。」回想當年與丁生去旅行期間突然結婚，那一刻的「勇」，千嬅謂真的改變了整個人生：「而家諗番，由一個人變兩個人，再變三個人，人生好多事都係個天都安排好，跟住命運帶畀你嘅流水向前行， 你就神奇地行咗個人生出嚟㗎啦，哈哈。第日放假，我諗住再帶囝囝嚟，再同佢講當年daddy媽咪嘅故事。」

{{hket:inline-image name="IMG_4899.JPG"}}{{/hket:inline-image}}

千嬅笑言丁生這個管家，雖然在此行監管她的飲食，但她也吃了這年最多的澱粉質：「芝士、漢堡、ｐpizza，意粉，幾乎日日食。丁生最叻係每到一個地方，就問晒朋友，有咩最好食一定要食，帶晒大家去，去到就係咁叫好嘢，但係就淨係管我一個，次次都話你唔好食咁多…被佢激死。我梗係唔理佢啦，不過今次食多左，咁返嚟就要還，開始又節制多啲囉。因為出年新年喺澳門開騷，過年你知咁多好嘢食，而家減定，留多啲quota過年個陣用。同埋都要保養把聲，唱左17場，明年巡迴繼續，要保持好體能。」

{{hket:inline-image name="IMG_1473.jpg"}}{{/hket:inline-image}}

千嬅明年2月14至15日開騷，年初五開第一場。她說：「我未試過農曆年做騷，仲係情人節，都幾開心。以往過年多數係一家人去旅行，今次就終於喺香港過年，再帶埋屋企人過澳門睇騷兼一齊玩。情人節開騷覺得好好，人大個咗就唔係淨係諗情人節得兩個人，呢啲日子，越多朋友越開心，又可以見下fans，我都好期待。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組
圖片來源：大會提供