《東張西望》昨晚報道一個家庭糾紛個案，連婆婆今年9月因病不幸離世，遺下96歲老伴連伯伯及七名仔女。沒想到連家隨即爭遺產，事緣連伯伯發現8月23日，連婆婆與五仔阿輝開了一個聯名戶口並有存款一百萬，開戶三日後，亦即連婆婆離世前三日，五仔阿輝就提取走一百萬元據為己有，連伯伯指一百萬是他日後的生活費，提及此事，連伯伯都忍不住聲淚俱下...
同場加映：黃心穎「安心」挫敗留陰影改自駕 否認爬馬國明頭結婚：可能係淵緣
東張西望│東涌中女被露宿者襲擊後報警 二人同被拘捕 黎寬怡追問另有內情？【下一頁】
《東張》主持林映輝到訪連家了解情況，連伯伯有七名子女，七妹接受訪問指難以接受五兄阿輝的行為，「好過份，為咗100萬，知明明唔係屬於自己嘅，老人家仲要照顧嘅，100萬令佢對眼冇晒人性。」七子女各自成家立室，只剩下兩老相依為命，如今連婆婆離世，令連伯伯苦失老伴。連伯伯爆喊說：「冇咗個老伴，自己淒涼，根本好難！因為今年已經90幾歲，（但你有咁多仔女？）仔女要搵食，唔能夠日日睇吓我，不過有時佢哋返嚟煮吓飯我食，都算係好呀喇！(最擔心係咩？）擔心得自己一個人喺度，樣樣都自己...」
對於五仔阿輝取走太太的100萬存款，據為己有，連伯伯表示：「我老婆畀我嗰啲錢，我問佢（五仔）攞番，我老婆話啲錢準備畀我，佢攞咗，我咪要追佢！梗係失望啦！冇辦法呀喇！佢做咗！」據仔女透露，五仔阿輝在媽媽住院期間只探望過一次，就算設靈治喪時，都只是逗留10分鐘。七妹表示100萬屬媽媽的遺產，理應歸還留律師分配，她不相信媽媽將100萬給五兄阿輝，因為媽媽一向守財穩陣，「要畀就畀啦，做乜要開聯名戶口啫？」她更透露跟連婆婆關係最好的四兄曾指100萬是留待連伯伯入住老人院及養老的支出。現時連家六兄弟姊妹希望從五仔阿輝手上取回100萬，還給連伯伯做生活費。
東張西望丨港女大鬧清潔工闖入廁格惹熱論 港男遇同樣情況報《東張》被怒轟【下一頁】
五仔阿輝都有接受林映輝的訪問，在電話中，五仔阿輝不肯認連伯伯是「爸爸」，只稱「男嗰個」，「我十幾廿年都唔想叫佢哋任何一個姓連嘅人，你唔好話兄弟好，姊妹好，老竇我都唔認呀！我見到佢都嘔...我憎到佢哋不得了呀！老人家玩女人你知唔知？」五仔阿輝阻止林映輝追問，更越講越離題，七妹忍不住出聲，指就算爸爸玩女人，跟100萬養老金是兩回事。
今晚播出的一集，五仔阿輝面對面接受林映輝訪問，林映輝問兄弟姊妹之間為錢爭執，有冇諗過媽媽的感受？阿輝表示：「佢唔開心佢嘅事，件事係佢衍生出嚟呀！我唔知呢100萬，冇人知100萬咪冇事囉！我係被動嘅，點被動呀？『阿仔，我畀一嚿錢你！』咁我要點呀？拒絕？」講到好似好勉強咁。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組