旁觀者｜羅天宇首演兇狠奸角情緒大爆發 結局篇暴走瘋狂掟嘢兼怒毆連詩雅

TVB劇集《旁觀者》今（26日）晚九點半翡翠台播映大結局，昨晚（25 日）劇情相當驚爆，雖然浚祈（羅天宇飾）「黑鼠尾草殺手」身份早已外露，但令人意外的是，從頭到尾都對柏妍（連詩雅飾）癡心一片的他，在練采文（吳若希飾）操控及自己心魔驅使下，不但洗柏妍腦令其以為自己有份參與殺人，更於柏妍驚揭真相後逃走期間將佢殺害，並自欺欺人柏妍被殺全因對被毒打陌生女子「見死不救」。

同場加映：中年好聲音2丨安雅希遵父遺訓舞台上落力表現 被海選照片嚇怕努力勁減43磅

{{hket:ul-video id="9973"}}{{/hket:ul-video}}

最終阿魚（王敏奕飾）忍痛踢爆一切只是浚祈幻覺，柏妍被殺當晚現場一直沒有第三及第四者，由始至終被虐者及施虐者只有柏妍及浚祈…當真相被揭後，羅天宇即時崩潰並選擇自殺贖罪，羅天宇的激動表情及眼神，配以王敏奕痛心疾首的眼淚，及柏妍死得無比冤枉的劇情，整段戲心寒度爆燈。

{{hket:inline-image name="78678678678.jpeg"}}{{/hket:inline-image}}

{{hket:inline-image name="78568578.jpeg"}}{{/hket:inline-image}}

除了天台被踢爆戲及殺死柏妍場口，天宇另一幕怒擲物件亦相當瘋狂，談到接二連三的爆 seed 場口，天宇透露自己本身是不太擅長釋放情感的，故爆 seed 場口對其挑戰很大：「我嘅情感反應比起平常人係平啲，所以我接觸呢啲場口時，其實係唔慣個情緒去到咁高漲或者咁極端，所以都要 warm up 吓，可能做吓運動咁。對於我嚟講，嗰啲情緒算係一種極限挑戰，所以可能要事先push多啲、操吓個意志力，先至做到個效果。」

{{hket:inline-image name="6786786786.jpeg"}}{{/hket:inline-image}}

2008年憑參選香港先生入行的天宇，多年來雖然參與不少劇集演出，但原來從沒接觸過如此情緒大起大落場口，難怪拍攝時不無緊張：「有啲緊張、又有啲擔心，因為驚整到連詩雅。不過劇組就叫我放心，因為大家事先傾好咗邊啲嘢掂得、邊啲嘢唔掂得，而且尖嘅利嘅同埋玻璃嘅嘢都全部拎走哂。」

天宇又笑謂出演今次角色最搞笑的，是不少身邊朋友大呼期待：「佢哋都話想睇吓我到底發脾氣或者發爛渣會係點，因為我自己本身唔會掉嘢。作為演員其實都好想畀新鮮感觀眾，希望將來可以有更多唔同嘗試。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供