由 Aurum Entertainment 創立的 Figure OUCH! 舞蹈文化活動計劃主辦、首屆《Figure OUCH! 2023年度頒獎禮・華麗舞蹈派對》日前(27 日)順利頒發 23 個年度舞蹈獎項!會上除了雲集舞蹈界台前幕後精英。創始人鍾舒漫（Sherman）以及李幸倪（Gin Lee） 與陳毅燊（ANSONBEAN） 亦現身支持。
同場加映：黃智雯演戲欠自信望離巢有突破 嫁有錢老公靠美食愛犬添情趣
大會邀請腹大便便的可宜(Natalie)擔任司儀,她於台上笑言自己「買一送一」主持活動,又期望腹中寶寶感染配場的活力氣氛。當晚頒獎嘉賓亦大有來頭,分別為擁有 40 年跳舞及教育經驗的林佩佩(Kelley)、創始人之一鍾舒漫(Sherman)等人，為大會頒發「年度 MTV 舞蹈演出」及「年度最喜愛舞團」獎項,他表示到場與業界舞者接觸後,感受到舞蹈界充斥着一股熱血,亦高興能參與是次盛大慶典,希望未來能夠為香港推動及支持舞蹈表演業界演出及交流,推動舞蹈文化,為香港增添競爭力。
中年好聲音丨伍仲衡災難級連環讀錯人名歌名 網民：掛住做評審唔留意樂壇？【下一頁】
鍾舒漫勝訴庭外接受訪問被騎劫 陳潔玲突然亂入搶咪鍾舒褀嬲爆【下一頁】
會上共頒發 9 大項目共 23 個獎項,其中 3個「年度 MTV 舞蹈演出獎」,分別由盧瀚霆(Anson Lo)、李幸倪(Gin Lee)及 陳毅燊(ANSONBEAN)奪得,除了 Anson Lo 正忙於為男團 MIRROR 演唱會未能參與,Gin Lee 及ANSONBEAN 有到場領獎。憑歌曲《Dum Dum》奪獎的 Gin Lee 於後台受訪時說:「拍跳舞 MV 真係唔容易,背後有好多環節,有好多大家睇唔到嘅準備功夫,呢個獎唔止屬於我,係屬於整個有份參與呢首歌嘅舞者同導演。跳舞要配合嘅嘢就較多,我仲記得拍《Dum Dum》個 MV 前嗰兩個月,我日日都去排舞排五個鐘。跳舞係冇得呃,所以我都好尊重每個舞者,用盡佢哋身體嘅力量去換演出時嗰份靚。」她還透露稍後將推出跳舞新歌，現時急於操肌肉,等隨時可以騷出嚟。
ANSONBEAN 憑《Get Wild》得獎,他受訪時表示會造更多舞曲:「我想做呢類 Club 歌好耐,嚟緊都會造多啲 Dance 同 R&B。我好鍾意跳舞,因為自己個性格都比較衝動,跳舞就可以攞到個力度出嚟,好似平衡返自己咁。」鍾舒漫作為創始人兼頒獎嘉賓身份到場,由去年的大型跳舞表演到今年舉行頒獎禮,她表示要感謝好姊妹王君馨:「係王君馨話要有個頒獎禮,歌手、演員、廣告界都有頒獎禮嘉許,但係舞者就冇,所以我哋就搞個頒獎禮表揚返佢哋。」她指跳舞不單止靚、好玩,不少人平日找不到情緒出口,都藉由舞蹈抒發,因此希望推廣舞蹈。
作為藝人,鍾舒漫亦不斷學跳舞精進自己,即將推出獨立發展後的首支個人單曲《What You Get》:「我特登搵咗4個跳舞老師同4個學生演出,畀啲年青舞者感受吓拍嘢係點、走位係點,畀多啲機會佢哋演出,希望用自己少少嘅力量鼓勵多啲人跳舞。」
撰文：娛樂組
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】