周家蔚母親與奶奶住同一屋簷下 洪天明爆生母曾與太太有婆媳糾紛

周家蔚2006年奪得香港小姐競選亞軍及最上鏡小姐，之後簽約無綫電視藝人，後來2012年同洪天明拉埋天窗，先後誕下兩子，2018年同TVB約滿就專心相夫教子。早前二人上ViuTV節目《生仔唔該考個牌》就分享生活點滴，大爆家蔚生第一胎時出現婆媳糾紛。

同場加映： 娛樂 • 盜月者丨Edan稱票房報捷派Anson Lo露屁股 姜濤見美斯肢體動作代替對話

{{hket:ul-video id="10069"}}{{/hket:ul-video}}

二人喺節目中講到婆媳相處問題，主持人就提到原來周家蔚依家一家四口同自己媽媽以及奶奶住喺同一屋簷下，呢個「特別」組合相信令唔少觀眾都有啲驚訝。之後家蔚就講到原來依家媽媽有眼疾，視力好差，所以係近日先搬埋一齊方便照顧，而佢亦都勸咗媽咪好多年先「願望成真」。之後主持人就提到周家蔚有兩個奶奶，問佢哋一家相處是否融洽，家蔚秒答相處得好好，好共融咁話，不過老公天明就唔同講法。

{{hket:inline-image name="22.JPG"}}{{/hket:inline-image}}

天明大爆喺佢哋大仔出生初時，家蔚同奶奶曾經有婆媳糾紛：「始終上一代湊仔嘅文化同佢（周家蔚）嘅湊仔文化係有出入嘛……呢個時候都有啲小衝突。」天明指都係一啲最典型問題，媽媽覺得自己「湊大四個」，經驗十足，同新一代有唔同見解。主持人就立即「質問」洪天明有冇「做嘢」，係咪「豬隊友」。天明就即刻答：「呢啲情形我梗係行開先……」不過佢就補充自己其實都會兩邊安撫調停，呢個時候家蔚就開始捉老公嘅手臂，似係叫老公唔好爆咁多，天明又講到都知道好多時候做新抱嘅都唔方便出聲，佢都會主動做溝通角色。

天明提到自己同媽媽關係好好，自己有咩都可以同媽媽講，而爸爸洪金寶就較有威嚴，相對就冇咁Close。佢指爸爸想彌補年輕時冇見證3個仔女成長嘅遺憾，對一對孫仔都疼愛有加，天明兩個仔喺爺爺面前可以話係要風得風，連天明自己都冇晒地位，不過夫妻二人都表示會教囝囝要尊重長輩，禮貌係佢哋最重視嘅一環。

影壇大哥洪金寶同圈外韓國前妻曹恩玉誕下三子一女，後來離婚再娶1984年香港小姐冠軍高麗虹，早前家蔚拍片表示跟佢韓籍奶奶整「辛奇」，唔少網民都表示驚訝，話一直都以為高麗虹就係天明生母，係呢一刻先知道家蔚有兩個奶奶咁話。

圖片來源：影片截圖、IG圖片