陳浩民從演接近30年，以往在無綫拍過不少經典作品，孫悟空、哪吒等角色，如今都是觀眾重溫之選。可是，2011年在內地拍劇，捲入陳嘉恒被非禮的桃色是非，形象崩壞。「功不抵過」變成醜事傳千里，至今壞男人形象未洗底，他無奈只能做好自己，希望「以作品說話」令觀眾專注於自己演技。太太則早就原諒、夫妻感情仍然恩愛如糖黐豆，現時他愛享受天倫之樂，多陪仔女，還找到一個活動，可以一家大細玩。
由王浩信、姚子羚、金剛、王子涵、陳楨怡等人主演的無綫外判劇集《狀王之王》之中，有久未在香港劇集出現的陳浩民客串，飾演陳吉夢，主要跟飾演宋世傑的王浩信最多對手戲，二人在公堂上舌劍唇槍。陳浩民有多年拍劇經驗，今次飾演的角色，都仍然對他有一定的難度，他早前接受《晴報》訪問宣傳劇集。
美劇《西遊ABC》︳型佬吳彥祖演孫悟空唔取西經 盤點娛樂圈十大美猴王【下一頁】
與陳浩民小紅書拍片鬥刷牙 孫耀威出大絕用廁所鮑魚刷插口【下一頁】
距離對上一次為無綫劇集宣傳是《搜神傳》，陳浩民不經不覺有17年沒有亮相，今次客串《狀王之王》，之前出席活動時他曾透露，原本並非演陳夢吉角色。似乎未有受到電視台的重視，就連宣傳片段都只得一秒鏡頭，陳浩民表現絕不介意：「我嚟客串，有時電影海報都唔會見到客串演員嘅相，我覺得呢啲得無可口非。人哋三個月付出勞力，梗係要擺咗嗰批演員先，唔係客串就要放得大過主角，唔可以妹仔大過主人婆，我哋客串唔可以功高蓋主，主角係狀王，佢哋係魚翅我哋係醋，只係用嚟令佢哋個味提升，大家都係關注魚翅先。」
從演29年，陳浩民到今時今日仍然熱愛做戲，他笑言：「我好爛演我好鍾意做戲，所以有劇本就得，好簡單。真係要堅持不斷做，刀必須要磨，作品不斷要有，太鍾意呢件事，唔會捨得放手，有劇本我就有得發揮搶作。唔係越磨把刀越利，而係唔磨把刀就會鈍，呢個係我在意的。」他表示就算不斷拍戲，正因為觀眾要求不斷提高，所以自己要多接觸新事物，與時並進，才能令演技昇華。
陳浩民演出過不少經典角色，包括有《天龍八部》的段譽、《西遊記（貳）的孫悟空、《封神榜》的哪吒等。種瓜得瓜，他回想拍劇時都不少辛酸史，最辛苦就是拍《封神榜》，與苑瓊丹在雨中拍攝一幕：「因為我太曳，有一次將龍王三太子條龍根畀我勾走咗，阿娘知我闖大禍，就先用棍打我，畀龍王知佢教緊個仔。我哋喺雨中拍攝，我不斷被打，佢將我個頭壓落水潭中，導演睇到鍾意，為咗要拍到淺起水花嘅淒涼感，我要不斷壓個頭跌水，嗰場戲拍到連頭套都甩。當日用咗5架水車拍，全身濕晒，好辛苦，但震撼，出來效果好好睇。」
陳浩民做新人時，更是不敢埋怨：「拍《智勇新境界》都算好危險，我同林保怡一 齊喺岸邊拍爆炸戲份，爆炸嗰刻我哋要跳入海，埋位時我覺得奇怪，隔籬嗰個唔係林保怡，係替身嚟嘅，點解唔搵替身畀我，大細超喎，嗰次係有啲唔高興，但工作人員話budget問題。當時心有啲唔舒服，覺得厚此薄皮，但冇辦法，做新人敢怒不敢言。」他笑言拍這幕戲好有成功感，覺得自己有成龍的感覺。
2011年，陳浩民被雜誌記者影到，於橫店跟同劇的陳嘉恒、馬德鐘和洪天明等人食宵夜，事後發生不快事，陳浩民捲入非禮風波，事後要拖著太太蔣麗莎開記者會，聲淚俱下道歉。被冠上壞男人的形象，多年不滅。
甚至，夫妻二人經常拍片放上網，陳浩民都被指過份使用濾鏡而變樣，對於不時有負面批評，陳浩民無奈謂：「食得鹹魚抵得喝，預咗畀人評頭品足，喺娛樂圈咁耐，冇可能樣樣事做得啱，我都有犯錯，但人誰冇過，希望大家高抬貴手。大家對我印象可能停留喺《西遊記》，或者做孫悟空，或者我其他作品角色，當然有啲人拎我平常生活開玩笑做文章，有演戲作品人哋先會關注你，都係用作品去說話，總有一日觀眾會因為我作品被感動。」
2011陳浩民低調地跟內地模特兒蔣麗莎奉子成婚，育有三女一子，陳雅薷、陳若嫣、陳熙妏和陳璟逸。雖然太太懷孕期間遇上桃色事件，但仍然對陳浩民不離不棄，直至現在，夫妻二人仍然像糖黐豆。陳浩民訪問當天，蔣麗莎為他打點一切，他表示一直尊重太太的決定，結婚以來從未鬧交，他說：「娶咗佢返嚟梗係要對佢好啲，人哋兩脇插刀，佢就五年插四刀，比你啲兄弟更似兄弟，呢個世界上你唔對佢好，對邊個好。我天生冇主見，行左行右都唔知，最好有個人幫我揸主意，咁好佢嚟我身邊就啱晒，一個凸一個凹，天作之合。」
二人育有3女1子，陳浩民有感子女們都日漸長大，雖然小朋友獨立識照顧自己，但他仍然想花更多時間陪伴：「我搵到一樣大家一齊做，大家有興趣，滑雪，佢哋又鍾意玩。佢哋好生性，好多時候自動波。」他形容自己跟子女們的關係像「兄弟」，做他們的聆聽者，大女都已經13歲，快將步入青春期，問到會否教女兒揀男友的眼光？他笑言：「呢啲媽咪講，我冇要求，不過我係呷醋爸爸，哈哈哈，而家佢哋仲細，仲未自己出街，過多2、3年可能遇上，而家講定先，你唔好畀我見到你男朋友，哈哈哈，我會對佢好好。」
撰文：王連連
攝影：何家賢
場地：Charcoal Bar by Lubuds Group
撰文：娛樂組
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】