AIA聖誕聯歡 玩魔術與眾同樂

唔少公司最近都搞聖誕聯歡，AIA每年亦會搞聖誕聯歡午宴同傳媒慶祝聖誕，仲年年有新諗頭，今年佢哋請魔術師表演魔法，畀大家驚喜之餘，仲令大家預早過一個開心嘅magical Christmas！

公關姊妹同黛安講，今年佢哋請咗個魔術師Lawrence表演close-up magic，佢施展讀心術表演魔術，仲有物件瞬間轉移，令人拍案叫絕，帶動全場人都超興奮！

最後，梗係唔少得大抽獎啦！除咗AIA嘅傳統送出聖誕火雞，仲有大大隻迪士尼公仔，原來AIA同香港迪士尼樂園成為長遠嘅企業聯盟夥伴，最近仲贊助咗首個漫威主題遊樂設施「鐵甲奇俠飛行之旅」，所以玩遊戲嘅勝出者，可以得到好精緻嘅鐵甲奇俠禮品套裝！原來記者都有獎，每人都可獲得友邦歐陸嘉年華入場門券兩張和迪士尼公仔，咁豐盛開心嘅聖誕，就真係好似佢哋品牌承諾「活出更健康、豐盛及快樂的人生」啦！