K11限量香檳 鄭志剛宴客都飲佢

「支酒靚唔靚？K11限量㗎！」最近有朋友向黛安介紹咗一支香檳，外形好特別。後來黛安同K11的姊妹傾開先知，支酒原來係名模Papis Loveday的出品。

Papis係國際頂級男model，喺天橋上英姿颯颯嘅佢，同時擁有自家品牌牛仔褲、香水及香檳。呢兩支酒，正是以佢名字命名嘅香檳，一年全球限量3,000支，最近K11獨家代理咗其中100支，據講係由新世界第三代掌舵鄭志剛（Adrian）親自搵番嚟，Adrian宴客都係飲佢。

雖然係限量出售，但價錢唔算貴，介乎580至620蚊。幾百蚊就可以歎到富豪級享受，絕對超值。