《豪宅年鑑》出版13周年啦！

拎住經濟日報集團出版嘅《豪宅年鑑》VIP版，睇到古色古香封面，黛安諗起《香港經濟日報》兼《晴報》社長麥華章（前排右八）日前係新春聚會嘅分享。麥社長有感而發，話過去一年地產市場充滿挑戰，有賴地產同業實行多方面完備策略，一、二手市場先站穩陣腳。佢又補充，《經濟日報》都一樣，勇於求變、敢於創新，先可以迎接市場瞬息萬變帶來嘅種種機遇。

講開又講，今次聚會仲有一個重要意義，就係近60名地產發展商及代理高層聚首一堂，同經濟日報集團高層包括副社長兼研究部主管石Sir（石鏡泉，前排右九）等，齊齊慶祝《豪宅年鑑》出版13周年啦！黛安同廣告部嘅同事傾開先知，VIP版《豪宅年鑑》用木造主題，設計精美，用嚟送畀一眾地產同業就啱晒！