11月後機票會減價？

身邊好多人鍾意去旅行，時不時分享點買機票抵啲，最近姊妹喺討論區見到得意資料，即刻開心share。佢哋話通常有航空公司開新航綫，唔止航班多咗選擇，機票價錢有機會再抵啲，因為其他航空公司為咗增強競爭力，可能推出票價優惠。

記起香港航空公布過，今年11月開始，香港飛奧克蘭直航航綫正式啟航，來回機票連稅大概6,300蚊，即刻拎部電話出嚟睇下，唔知新航綫啟用前後機票價錢變動大唔大呢？港航新航綫11月10日啟航，十月底至啟航前，同一航綫機票連稅大概7,000幾蚊起，估唔到一轉日期做11月10日，連稅7,000蚊樓下嘅機票突然多咗幾個選擇。

睇嚟今次網民分享嘅tips都幾有用，年尾想去旅行嘅姊妹要留意啦！