3香港送Chromecast 家居寬頻最平$138

點算貼心？Package好緊要，一個package照顧晒屋企上網、睇戲、聽曲、打機，當然得到顧客歡心。每次見到和電香港營運總裁陳婉真（Jennifer），就知品牌有好消息，今次3香港宣布率先同Google合作，推出以Chromecast結合固網同流動通訊嘅組合，最平月費只係138蚊，真係無法抵擋！

Chromecast係Google出品裝置，可以將手機嘅影音娛樂內容同App投放到電視上面，仲用到免費或收費嘅程式，KKBOX、Netflix、Google Play電影等，同埋遊戲，產品第二代推出之後，大家都想知幾時有得買。睇準大家嘅心，3家居寬頻推出「全家Super Fun」娛樂組合，簽約24個月可以免費獲贈Google Chromecast。月費$138計劃，包括100M家居寬頻、無限「HGC On Air」屋外Wi-Fi服務、租用「myTV SUPER」解碼器欣賞逾30條頻道等。以上package轉用再快啲嘅寬頻上網，揀1G光纖寬頻月費都只係$188。

Jennifer話，隨住涵蓋電視及遊戲過頂（OTT）娛樂服務發展愈嚟愈逢勃，大家對娛樂體驗好重視，品牌有留意大家嘅需要，例如好多人都試過上網搵娛樂內容，但質素無保證」，有咗Chromecast就唔使自己慢慢搵娛樂內容。

Chromecast細細個，連接電視後，可以喺電視上睇到20萬套戲、聽到3000萬首歌，仲可以將智能電話變做遙控器。Google亞太區Chromecast合作主管Mickey Kim都話，娛樂未來方向會係串流，透過Chromecast，可以將電視變做智能電視咁話。KKBOX副總經理施盈良就話，KKBOX增至逾2,500萬首歌，有咗新計劃，大家可以隨時用電視聽歌啦！