3香港出機 半價買限量蝙蝠車

每位蝙蝠俠粉絲對蝙蝠俠的「戰車」蝙蝠車都有憧憬，最近3香港就入手了全球獨家限量珍藏版，「蝙蝠俠：黑夜之神三部曲智能遙控車」，仲唔係粉絲們的喜訊？

聽公關講至知，這是Samsung智能手機GALAXY S6同GALAXY S6 edge的上台出機優惠，3香港兼出機就可以半價2,988元，買到呢款限量530部的遙控車。男友也算是模型發燒友，黛安自然要八卦下這架遙控車有何特別之處。

特設場景充電地台、蝙蝠俠人偶、1比12的智能遙控車，灰色車身配藍色電鍍配件，仲裝有夜視鏡頭，原來呢架遙控車唔淨只睇得，仲可以用智能手機影相、拍片，連車身的定風翼同開關機艙蓋都控制得到。黛安唔玩模型，聽落都覺得好似好勁。

為了宣傳，蝙蝠俠仲會到3香港分店快閃現身，同粉絲近距離接觸，想睇蝙蝠俠與蝙蝠車雙雙現身，今個星期六下午就要去旺角分店。