10個月瘦30磅 沈祖堯：唔想再減肥

中大校長沈祖堯早前成功瘦身，用10個月減去30多磅，黛安噚日喺中大重遇祖堯BB，成個人又fit又精神，比以前更年輕，真係令人羨慕呀！不過，當有人問佢有咩「法寶」令身形更fit，祖堯BB就話最近身體抱恙，體重再下跌3磅，笑言保持現時身形已經足夠︰「唔想再減肥啦！再減就皺皮啦！」惹得在旁的公關姊妹同傳媒朋友哄堂大笑。

祖堯BB寫書法秀麗脫俗人所皆知，他昨日亦一如以往，應傳媒朋友要求即席揮毫，更「有求必應」，為各人心水揮春提字，黛安發現原來不少女士的新年願望是減肥成功。書寫完畢後，祖堯BB更手持「減肥成功」揮春拍照，盡顯親民幽默一面！佢仲向傳媒送上禮物包，當中包括一個木製筆盒，雕上由佢親筆提字的「結合傳統與現代，融會中國與西方」墨寶，內有一支鉛芯筆和原子筆，蘊含古典美之餘也很實用，非常貼心！