《呢班波士仲抵死》創業者的啟示

俗語有話「工字不出頭」，一般打工仔難以發大財，做生意才有商機。其實生活在寸金尺土的香港，今時今日有物業在手，才會打跛腳唔使憂。

當年《醉爆伴郎團》捧紅了「爛飲三兄弟」，把「玩大咗」式低智喜劇推上另一高峰，同類型荷里活喜劇如雨後春筍般出現，例如道盡職場血淚史的《邊個波士唔抵死？》，單看戲名已贏得打工仔共鳴。

「打工三兄弟」在續集《呢班波士仲抵死》爆笑回歸，今次竟然講他們借錢創業，大量生產多功能花灑頭，結果遇上商界大鱷撻訂，新公司被賤招吞併了。三位好漢再被迫上梁山，策劃綁架大陰謀，愈搞愈大鑊，花灑賣唔出，卻同樣洗濕個頭。

今次換了《名瞞戇族》編劇做導演，可能求變心切，不再重複三個被欺壓員工以荒誕手法企圖殺死波士，改成黑色幽默版創業者驚世啟示錄。雖說客戶都是老闆，但打工仔最想睇到的辦公室笑位卻減少了，幸好抵死絕橋仍在，而且保留珍妮花安妮絲頓這個性上癮風騷女牙醫一角，戲份雖少卻收效大。

（本欄逢周五刊登）