Google小遊戲 向外星人致敬

Google首頁Doodle設計小遊戲，過時過節都有新搞作。昨日為紀念1947年羅茲威爾事件，Google設計咗一個關於外星人嘅小遊戲。

遊戲方法好簡單，玩家需要幫外星人尋回散落喺不同地方嘅飛碟零件，不過由於不同飛碟零件亦有不同方法去攞，所以都幾考玩家嘅智慧，唔知各位能否成功幫外星人砌番部飛碟呢？