不要只抱惡搞之心

「Love Ideas,Love HK集思公益計劃」已到第三回合，今年逾千份入圍創意提案，撥款比率更比往年增5%，預計撥款總額超過4,700萬元。呢個由民間自行構思嘅行善計劃中，好多都好有意義。

不過，早前有團體以個人名義申請逾十個反地產霸權項目，最終四個入圍、六個出局。無份入圍者批評李嘉誠基金會自行審批，令項目被拒諸門外。其實審批工作由社聯同聖雅各福群會負責，基金會無份參與。一般嚟講，呢類項目申請，都要乎合有關守則同條款，若提供資料不足、錯誤、違反守則、或涉及犯法、歧視等，申請唔成功一啲都唔奇。

今回合接獲共1,299份申請，入圍有目1,038個，依家網上、電話投票正進行得如火如荼，如果嗰幾個反地產霸權項目成功當選，就希望佢哋攞住筆二萬五千元善款，真正搞佢地建議嘅慈善項目，而非抱住惡搞之心去破壞一個咁有意義嘅善舉。(本欄逢周五刊登)