美麗華整合尖沙咀商場 設首個時尚化粧間

鍾意Shopping的姊妹有福啦，喺尖沙咀佔盡地利同完善交通網絡嘅美麗華集團，趁住踏入60周年，下個月就會將旗下4大物業進行策略性整合：美麗華商場、Mira Mall、美麗華大廈，以及The Mira Hong Kong酒店，將會組合成「Mira Place美麗華廣場」。黛安知道Mira Place近期已經引入咗唔少特色商戶，例如GU、中村藤吉、FURLA、Coach、SuperDry等，公關好友講，第三季仲會有唔少新舖開張，場內仲滙聚多間米芝蓮星級及人氣食肆，如鼎泰豐、新同樂、莆田、FIAT CAFFÉ、Burgeroom等，行到攰都有地方為個胃「叉電」。

而最令黛安心動嘅係Mira Place將增設全港首個時尚化粧間，入面以酒店式設計配以試身室及一系列化粧用品，等一班愛美嘅女士可隨心扮靚！商場仲同SONY MUSIC合作提供點唱裝置，畀顧客按心情點唱呢！