迪士尼星際歷險落幕 鄧梓峰向巴斯致敬

真係好唔捨得呀！黛安講緊嘅係香港迪士尼樂園入面的互動射擊歷險遊戲「巴斯光年星際歷險」，事關呢項遊樂設施昨日已經完成最後一日任務，未來現址將會來個大改造，改建為以Marvel超級英雄為主題的全新遊樂設施。

為咗紀念呢個歷史時刻，昨日一班粉絲都好有心，特程入去樂園同設施say goodbye，連向來被指外貌酷似巴斯光年的藝人鄧梓峰都有到場。「正版」的太空人巴斯光年當然亦有現身，仲話好多謝大家多年來的支持，並向喺呢度服務多年的演藝人員致敬。稍後巴斯將會去到「反斗奇兵大本營」，繼續與賓客見面，如果掛住佢的話，以後知道去邊度探佢啦！