一田大埔店升級 下月底設BB專區

黛安身邊唔少朋友最近都榮升做爸爸媽媽，不時要為BB搜羅最優質嘅食品、用品甚至玩具。黛安知道早前斥資$1,500萬進行翻新升級工程嘅大埔一田，原來差唔多完工並暫定下月29日面世啦，仲會特設全新BB概念專區及加強美粧區陣容𠻹！

一田噚日舉行新春午宴，黛安都有去到。聽一田CEO黃思麗（Susanna）介紹，翻新後嘅大埔分店整合多個專區，包括全新登場嘅BB及玩樂專區，佔地有成6,500呎㗎。而為迎接BB專區的來臨，一田率先舉辦「一田活力BB展」，更聯乘大受歡迎的卡通Gudetama（梳乎蛋），今個星期六、日喺荃灣廣場舉行BB爬行比賽，家長們唔好錯過啦！