新閱會大革新 星級名家分享創作

新鴻基地產（新地）一直都好支持閱讀文化，仲成立咗新閱會，黛安都有參與過佢哋嘅活動，公關姊妹就話，今年新學年會推出全新綫上閱讀平台，加入青年讀者感興趣嘅生活內容等，希望做到更加受歡迎！

新閱會舊年推出咗免費跨媒體閱讀平台linepaper，發現青年比較享受網上閱讀，所以今年決定推出全新綫上閱讀平台。

除咗內容有大革新之外，仲會加入多位星級名家坐鎮，包括曾任《號外》出版人及總編輯、現時為文化創意季刊《MAGAZINE P》出版人及總編輯黃源順，另外仲有專欄作家王貽興、愛情文學作家鄭梓靈等，同年輕人一齊談人生、談生活，內容更加貼近佢地口味。

至於確實推出日期，姊妹就話要先賣個關子，叫大家密切期待！