廣東話我哋支持你

當一個身居要職嘅高官大大聲講廣東話去提醒香港人，用廣東話學中文是全世界絕無僅有的，優勢必然降低到得人驚嘅地步，應該找專家研究研究，用普通話學中文嘅方便同普遍性，看在眼裏，真係笑大人個口，他為何不直接用普通話去警醒香港人，而要用佢認為命仔唔長嘅廣東話去發表？很明顯他骨子裏在告訴我們，廣東話喺香港係有絕對嘅優勢，而且被大眾廣為接受，如果唔係一個淨係識得用最懶嘅方法去同仔女報讀國際學校嘅蠱惑仔，會不懂得舔主子屁眼的高超技巧嗎？

廣東話嘅九聲發音冠絕全球，美麗動聽，普通話只得嗰四聲，音韻變化自是及不上廣東話的高低抑揚，之所以自古以來嘅詩詞歌賦都係用廣東話去創作，並不是沒有原因的。要怪就怪孫中山大總統當時無投自己一票，令普通話成為新中國的法定語言，廣東話就好唔好彩咁由主流語言變成地方方言，中國人也只能嘆一句時也命也！

最近新疆展開打擊清真商品嘅運動，烏魯木齊人民檢察院要求黨員幹部宣誓，與泛清真化現象勢不兩立有你無我。又要求他們在公眾場合不能說維吾爾語，唔准只係吃清真食品，美其名說是要防止極端思想滲透。香港人會唔會步新疆後塵，在不久將來不准在公開場合說廣東話，就睇下我哋香港人有幾團結去保護廣東話喇！

（本欄逢周二刊登）