陳禮恒
陳禮恒

《屍殺片場》唔睇無話題

發佈時間: 2018/11/02

《屍殺片場》唔睇無話題

世界各地影壇,偶爾會聽到某電影成功以刀仔鋸大樹,拍攝成本極低,但吸引觀眾追捧,結果賺個滿堂紅,最新例子是日本獨立電影《屍殺片場》。最初影片只在東京兩間戲院上映,有麝自然香,後來增至全日本約300間戲院爭住上,觀眾唔睇無話題,累積票房逾28億日圓。

影片前半段是30多分鐘一鏡直落的戲中戲,講一班人在偏遠的荒廢濾水廠拍喪屍片,典型的懸疑加血腥,睇住逐個釘。誰知好戲在後頭,接着附上behind the scenes,就算剛才唔會驚到震,後段都會笑到震。《屍殺片場》比韓片《屍殺列車》更粗糙,但結構精奇,創意無限。銀幕上,固然殺出一條血漿路,原來鏡頭背後,道盡了電影人的辛酸血淚史,是本年度睇得最爽的奇片,沒有之一!

電視劇方面同樣有睇頭,困獸鬥式故事最講求創意,而HBO單元劇《104號房》每次上演不同的光怪陸離小故事,同發生在一間旅館的斗室之內,如香艷奇情、殺人布局、關懷大愛,全都是令人意想不到的遭遇,每集不同人物故事,短小精悍。第一季口碑不俗,第二季將於11月10日在CINEMAX(nowTV 113台)首播。

撰文: 陳禮恒 在戲院選擇沉默,然後用文字發聲。
欄名: 晴感戲