日本政府推補助金 東瀛遊同你玩轉北海道

北海道之前發生地震，新千歲機場仲一度停用，不過黛安聽公關姊妹講，依家當地已經修復好，為振興旅遊業，日本政府仲決定發放80億日圓補助金，畀全球指定旅行社以吸引旅客，包括EGL東瀛遊！

EGL今日起推出唔同優惠，將得到嘅補助金全數補貼喺全綫北海道旅行團、自由行套票同酒店預訂。旅行團即日起至下星期一（26日）報名，住宿每人最高可享最多$1,025優惠；而喺今日早上10點起報名，每位成人每晚入住北海道酒店最高可獲$4,760補貼。

另外，今日早上10點EGL官網會以實名制進行$10酒店預訂搶購，搶到名額後，只要24小時內經熱綫中心、親臨任何分行或以電郵預訂酒店，就可以即時扣減$10。黛安已經叫咗班好姊妹一齊搶購喇，聖誕節就可以去玩啦！