屯門市廣場賀30周年 推全港首個室內LED光影滙演

唔經唔覺，原來屯門市廣場已經成立30周年喇！黛安知道，商場為慶祝呢個大日子，將會喺今個聖誕節打造「我們的30年-屯門市廣場光影嘉年華」，即日起至出年元旦期間就會將昔日極具標誌性嘅音樂噴泉以科技重新演繹，化身5層高嘅夢幻LED噴泉！而金馬獎同金像獎最佳視覺效果得獎者黃宏達，更特別為商場度身打造全港首個室內「LED光影滙演」，以光影敘述商場30年來嘅演變，兼見證屯門點由一個農村變成新市鎮。

黛安知道，商場30周年嚟緊仲會安排一連串精采活動，好似烏克蘭藝術家Kseniya Simonova都會專程來港演出沙畫表演，黛安好期待呀！