小丸子陪你歡度冬日聖誕 7-Eleven推限定雙層咖啡杯

身為櫻桃小丸子迷嘅黛安，知道由即日起到明年1月15日，7-Eleven自家品牌Daily Cafe聯乘《櫻桃小丸子》推出全新驚喜優惠，只要購買一套10張Daily Cafe咖啡券（$140），即可獲得「萬壽夠薑-櫻桃小丸子雙層咖啡杯」或「花輪年華-花輪雙層咖啡杯」一個，換齊2個，今個冬天就有小丸子同花輪同學陪你一齊歎番杯熱咖啡喇！

公關好友同黛安講，兩款咖啡杯均有穿着經典紅色吊帶裙嘅3D小丸子公仔，好溫婉地坐喺杯沿上，而「萬壽夠薑」款式就用上經典舊年代珠紅色嘅萬壽無疆圖案，配以可愛小丸子同好朋友小玉頭像，並改成「萬壽夠薑」四字，完美演繹出小丸子滑稽主動性格。另一款「花輪年華」款式則以墨綠色復古花紋配上帥氣多情花輪同小丸子頭像，充滿濃濃「花樣年華」式浪漫情懷。

另外，每張Daily Cafe咖啡券上都印有唔同嘅港式金句，好似「咖啡會提神，你令我失魂。」等，保證可以令身邊朋友感受到你獨有心意。黛安都好想收到咁有心思嘅咖啡券，為冬日增添暖意。