小心上車！

飯局中，大家談起城中熱話︰中美貿易戰、華為事件、民主黨黨員集體退黨等等，你一言我一語，吵得很，然後樓神到場，大家即刻收晒聲，靜聽專家的講解，因為所有人都想知道樓市的走勢。

樓神一開口就講下年的樓價跌兩成，在場的人都十分驚訝！樓市吹淡風是共識，但講咗咁耐都未見真正下調，看來下年終於見真章！樓神解釋，中美貿易戰是深層次的矛盾，不會於短期內解決，所以會影響經濟。

樓神續說，最慘的應該是俗稱「納米樓」的超小型單位，全港已經賣出了過萬個單位，而下年仍然有幾千個納米樓單位供應，這些單位隨時有機會跌三成，跑輸大市！

麻煩的是，有些業主是靠呼吸plan（高成數按揭貸款）買樓，如果樓市一旦出現逆轉，隨時出現銀行估價不足，做不到按揭的情況。

聽到這些消息，大家都議論紛紛，在座一位剛才還高談闊論的朋友，此刻卻一言不發，問他是怎麼回事，原來他剛入票抽新樓，所以好擔心！樓神道︰「唔使擔心，只係入咗票，唔去抽就得啦。」

朋友隨即鬆了一口氣，大家看到樓神不費吹灰之力就解決問題，都開懷大笑。

（本欄逢周三刊登）