宣明會籲捐款 助印尼海嘯災民

當大家開心歡渡聖誕佳節嘅同時，唔好忘記剛發生海嘯襲擊嘅印尼巽他海峽沿岸地區，天災釀成超過200人死亡，逾800人受傷同失蹤，預計死亡人數仲繼續上升。黛安知道，今次意外係自印尼喺今年8月以來嘅第2次天災，災區兒童及家庭承受極大身心威脅。

天災無情，但人間有愛。世界宣明會呼籲香港市民伸出援手，為災民送上實際援助，仲列出咗3大途徑捐款，網上捐款、支票，甚至直接存入香港宣明會銀行戶口都可以。黛安希望大家都可以出少少力，用買禮物嘅少少錢，捐畀災區居民，等佢哋可以放心渡過2018年！