去新城市廣場打卡 遊北海道「幸福車站」

新城市廣場每年嘅節日都布置得美輪美奐，今年新年就預告會用近年文青最愛嘅打卡景點—鐵道車站。黛安收到風，今個新春，新城市廣場會喺下星期三起至下個月24號，推出充滿春日氣息嘅「新春の幸福駅」大型賀年主題布置，創作靈感係嚟自北海道帶廣嘅「幸福車站」，以滿場櫻花樹融入五大日系打卡勝景，等大家喺農曆新年由愛嘅國度出發，同摯愛攜手邁向幸福美滿新一年。

姊妹仲話，最有特色嘅係「幸福售票機」，只要點選3條路綫圖，包括健康綫、戀愛綫同財富綫上任何一個車站，都可獲得長期幸福車票1張。記得一齊放閃曬住幸福過年啦！