你都可以好勁

4小時前

整個社會好似患上狂躁症咁，充滿濁氣脾氣小器戾氣，少少不滿就抦人，好多；識得欣賞人讚下人感謝人，好少。最近見到一則充滿善意、懂得感恩的新聞，特別開心。https://www.bbc.com/news/world-47277608

話說美國一位86歲的老人家，搵番時代古物VHS錄影帶，遂首次學人上eBay買了部VHS播影機，驚喜重見當年人生珍貴片段︰25年前的退休派對、年輕時候的婚禮、曾幾何時的滑雪假期、兒孫成長的美好時光……老人家親手給賣家寫了一封用辭真摯的感謝信︰「多謝部機咁簇新，多謝你回覆咁快，多謝個deal咁筍，才可以令我咁開心將往事重溫。」

吓？不是應份的嗎？有畀錢㗎！正常人已準備好支超級無敵軍用大炮，少少唔滿意、慢了一秒、貴過人一毫，即刻開猛個火鬧爆你呀！想不到竟然有人將一單網上生意化成kindness和happiness！收信人感動非常，主動幫手將VHS片段數碼化，讓老人家可以保存及留給下一代；再將感謝信posted上網，吸了無限Likes，更引發了大家的「感恩」潮，紛紛分享值得感激的人和事。呢啲就真的是power喇！老伯伯勁呀！

6天前

別讓「善」去縱容「惡」。M對每位員工講明，亦有白紙黑字明文規定，若擅自幫同事打卡是會被辭退的。最近有員工手快快犯了，C不忍如此無情「按本子辦事」，但又不能當睇唔見，難以服眾，咁出封警告信好了。對方卻大發爛渣，要脅辭職不幹……

M很感慨︰「不是應該appreciate我哋畀個機會咩？辭就辭吧，即使難搵人……」如果樣樣都「好小事啫」，做人就沒有了底綫；有慈悲心，同時守護着原則，M你真勁呀！

（本欄逢周二刊登）