邁向33周年辦旅遊展 參加東瀛遊超筍團

香港人生活壓力大，得閒去旅行放鬆下都好應該！黛安知道，EGL東瀛遊為咗慶祝邁向33周年，今個星期六同星期日，就會喺將軍澳東港城一樓中央廣場，首次舉辦盛大嘅旅遊展「EGL東瀛遊Happy 33旅遊嘉年華」，現場有大量長中短綫團嘅優惠，好似突尼西亞地中海沙漠風情8天團，首10位喺現場報名嘅客人，就有高達$9,000勁減優惠，團費只係$4,999，真係好超值。

EGL東瀛遊公關姊妹同黛安講，會場多個限定勁減優惠只限首10名報名者，除咗突尼西亞8天團外，好似土耳其季節花田約定10天團，都只係$5,999，較原價勁減$8,000；仲有澳門美獅美高梅酒店連船票2天套票（首10間房），只售$499起。如果想得到咁着數嘅優惠，只要當日早上10點半到場攞籌，同日11點報名搶購就得喇。

另外，EGL仲有超過100個精選旅行團會推出全綫優惠，當日早上11點開售，其中埃及10天團就會勁減$9,500，團費只需$6,499起；印度8天團亦會激減$8,300，團費只係$6,699起，每團首10名報名者就有咁筍嘅優惠。

除咗呢啲精采優惠，場內仲設置咗多個攤位遊戲，大家可免費任玩，贏到指定數量印花，更有機會獲得高鐵車票，名額多達120個，更可憑印花換取限量版神秘福袋同精美禮物，心思思想去旅行？記得好似黛安咁當日早啲去排隊喇！