帶80隻獵隼坐飛機

自從上星期有鸚鵡入屋後，之後又有小麻雀飛入屋，要工人姐姐將牠放回屋外。另一日，我在厠所刷牙時，開了一條罅隙的窗，有一隻了哥不停徘徊想跳入來。我絕對不會開窗，黑色尖嘴鳥，真係嚇死我了。

這陣子不停有雀鳥大駕光臨，我覺得是一種吉兆，於是走去買六合彩。果然中咗六百蚊！好開心！

上星期五告訴契爺我家有鸚鵡入屋，可能會遇到貴人。Uncle說，如果要遇貴人，一定要跟契爺去沙特阿拉伯獵鷹。鷹的類別很多，隼、鷹、鵟、鷲、雕等都屬於鷹類，在每個類別又包括很多種。阿拉伯盛行用隼去狩獵，是王儲及酋長們的最愛。有些獵隼的價值甚至高達百萬美元，所以在阿拉伯隼是富貴和威望的標誌，亦是身份和地位的象徵，所以絕對是貴族的玩意！它亦被視為一種高貴的藝術和國粹。

對於馴服鷹，首先不給水和食物，以磨滅隼的傲氣，之後牠便會乖乖聽從主人的召喚。（唔怪得之前啲人講話唔好畀飽飯女人食，原來馴妻亦是一樣！不過喺阿拉伯，隼嘅價值絕對高過老婆！）

有位阿拉伯王子，之前要帶80隻獵隼去打獵，於是豪氣地買了80張機票給這班有護照的隼，一齊坐飛機，巴閉到呢！所有獵隼的翼都被綁起來，並戴上頭套，防止牠們在機內影響其他乘客。老實講，如果坐這班機可以做皇后的話，我都無福消受，近距離見到一隻鷹我都肯定會反眼嘔泡，見到如此震撼場面，被80隻隼圍住，我肯定嚇到連個心都嘔出來！

那一晚才知道，原來我契爺也是馴鷹專家，年輕時在香港也養過金鷹。那晚從他口中學識很多有關鷹的知識。在中國鷹亦是非常受保護和珍貴的，之前只能進貢給皇帝，平民不得飼養擁有，除了楊過同小龍女這對「神鵰俠侶」！

（本欄逢周四刊登）