沈桃
沈桃

棋哥燒鵝

發佈時間: 2019/03/11

棋哥燒鵝

上周橫風橫雨,行經鵝頸橋,可能是時間尚早吧,竟見到平日大排長龍的「棋哥燒鵝餐室」不用排隊,立即衝入去點了一碗熱辣辣的燒鵝瀨粉暖胃!店員問要甚麼飲品,我見一碗燒鵝瀨收費58元,想必不包餐飲,需另外收費啦!於是便要一杯暖水算了。

店員放下一碗燒鵝瀨後,細心提醒餐具在桌子旁的抽屜裏,又遞上紙巾,這麼體貼的店員現時買少見少了!望一望碗瀨粉,竟然幸運得到上髀,件件厚切,更是欣喜!

吃得飽飽,便八卦到旁邊客人跟我一樣點了碗燒鵝瀨,但他多了一杯熱奶茶,當下想,燒鵝瀨可能跟餐包飲品噃!於是拿着帳單到收銀處付款,順道問一下……原來58元的燒鵝瀨真是連飲品的,便問收銀姐姐可否要番杯熱奶茶,收銀姐姐滿面笑容說︰「當然可以,咁你唔好拍八達通卡住,搵個位坐番低啦!」因趕着回公司開會,只能叫外賣邊走邊喝,收銀姐姐不但沒有不耐煩,轉眼便遞上熱騰騰的外賣奶茶,還加一句︰「小心熱啊!」

店員工作態度一百分,環境又乾淨企理,難怪棋哥的生意做得有聲有色!真希望中環也開一間棋哥燒鵝,咁全公司上下就唔使去「一樂燒鵝」受老闆娘白眼了!

(本欄逢周一刊登)

撰文: 沈桃 好飲好食好奇之穿花蝴蝶
欄名: 中環蝴蝶