推手機版薪酬搜尋引擎 CTgoodjobs助你升職加薪

人工一直都係打工仔之間嘅秘密，黛安收到風，求職平台CTgoodjobs最近推出咗手機版「精選版薪酬搜尋引擎」（SalaryCheck），用家只要用電話掃一掃QR code，就可以隨時隨地查看，包括會計及審計、金融、人力資源、酒店及餐飲、銷售、零售、行政、資訊科技及市場推廣9個熱門工種嘅市價，以後唔使再怕Underpaid，想轉工跳槽都可以掌握市價，為自己爭取加薪都有理有據！

黛安就親身用電話Check過，有「至Hit」職位之稱嘅行政助理，人工中位數係1.6萬元，以畢業生眼中嘅入門職位嚟講可能都算係唔錯，原來再升一級做行政主任，人工中位數已經跳到兩萬，真正有前途又有「錢途」！

黛安仲知道喺「精選版薪酬搜尋引擎」Check完人工之後，簡單填埋自己個email，仲會分別收到佢哋嘅「必睇精選筍工Check List」同埋「升職加薪指南」，做埋會員仲可以定期收到「筍工通知」呀。

CTgoodjobs執行總監陳麗珠同黛安講，知道市場上好多打工仔期望人工同實際人工有落差，所以今次整呢個「精選版」SalaryCheck，希望幫到大家升職加人工啦！